Wanna Koiola koggokonna kohtun Wissen, sel 27tal junil 1875.

Man olliwa kohtomees, Peep Tobre

                   kohtomees, Karel Kooskora

             abbi kohtomees, Michel Kurwitz.

Kaupmees J. Pihho kaibap Michel Pihho päle, et tem(m)a 3 lehma ja 2 lam(m)ast Pihho nidun olnuwa ja Michel Pihho om(m)a poig om ka man olnu, mes Jaan Wahtra ja Jaan Warres tälle teda andnu; Nõwwap ni paljo haina maad wasta, kui täl sääl om Michel Pihho käest; selleperrast: Et marro hädda perrast ellaja olliwa koddo jättet, nink selleperrast ei wõi Pihho sedda haina maad ka pruki, ja lubbap Michel Pihhole; sis om rahho

Michel Pihho wastutas: Mul es olle ennämb kui 2 lehma. Lambid mul es olle ja minno elläja es olle ka purtu, kripso wäärt.

Moistetu: Et senimaani üttegi hätta ei olle kül kuulda olnu ja awwalik Michel Pihho om(m)a se kõnne perra et täl 2 lehma olnu ja 1 lehm nink 2 lam(m)ast tem(m)a wannal essal J. Pihho nidun. Ja arwata et selle hädda perrast na olliwa karjast koddo jättet.

Otsus.  Massap Michel Pihho 2 rubl ja tem(m)a essa 1 rubl lehma ja 50 kopkat katte lamba eest. Kokko 3 1/2 rubl J. Pihhole kahjo tassomisses; nink J. Pihho peap essi om(m) niit teggema. -   

Jaan Röbing 2 rubla Michel Pihho käest kätte sanu sel 16 okt 1875  kae Nr 107.

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu. -

                     Kohtomees, Peep Tobre  XXX

                     Kohtomees, Karel Kooskora  XXX

           abbi  kohtomees, Michel Kurwitz  XXX

                       Kirjotaja, J. Käis