Selletusse kirri.

Soldat Peter Oja wõlla nõudmissen soldat Karl Schmidti käest:

1ne kirri wallawannemb Märt Teddrele sest 9mast Julist 1869. Peter Oja eddimetse kirja perra om temma warrandus, kumb süggisel 1863 soldat Karl Schmidti kätte hoita om jänu:

Selget rahha		31 Rbl.	Kop.
5 wakka leiwa terri	'a 1.50 Kop.	7	50
5  "  keswi	'a 1.50	7	50
5  "  kartohwlid	'a 50	2	50
2 lammast	'a 1.75	3	50
1 1/2 wakka alla röa maad		2
Üttekokko		54 Rbl.	Kop.

Soldat Karl Schmidt tunnistas, et soldat Peter Oja om temma käest ärrä sanu:

Kirjuga perra sadetu selget rahha	21 Rbl.	Kop.
5 künärd linnast rõiwast	1
4  "  "  ahtakest rõiwast		60
2 meeste rahwa hammet	2	20
2 pari linnatsid pükse	2
2 nakla penikest linnast langa		50
5 näddäla üllespiddamisse eest, kui Peter Oja eddimest kõrda koddon käiman olli	5	25
2 näddäla ülles piddamisse eest, kui Peter Oja tõist kõrda koddon käiman olli	2	10
Peter Oja hobbeseka Riga weemisse eest	4
1 1/2 wakka alla röa ärrä põimamisse, kui ka ärrä pesmisse eest, saap Karl Schmidt töö palkas	3
Om Peter Oja Karl Schmidti käest ärrä sanu	41 Rbl.	65 Kop.

Peter Oja, kui temma aasta perrast koddo käuma tulli, müüs Peter Oja sellest wiljast ärrä, nink wõtse essi rahha wasta:

1 1/2 wakka leiwa terri	Põddrä Rein Leesele	2 Rbl.	Kop.
2  "  keswi	"	3
2  "  leiwa terri	Kauksiantsi Ants Möldrele	3
Üttekokko		8 Rbl.	Kop.

Se üllewan nimmitedu 8 Rublat omma ne üllewan nimmitedu wilja ostja Peter Oja kätte essi selge rahhaga ärrä masnu, nink se Summa 8 Rbl saap soldat Karl Schmidti kätte jänu Peter Oja warrandussest mahha arwatus. 

Peter Oja om 2 lammast omman kirjan ülles andnu, ent ütte lamba om Peter Oja essi Keerdo poja Peter Hawerile ärrä müünu, kelle eest weel rahha masmata. Tõine lammas om Peter Oja sõssar Anne ossajaggo, mes temma kaddunu emma warrandussest perra om jänu. Ne kats lammast ei putu soldat Karl Schmidtile middake. 

Peter Oja om sõssar Annele lainusses lubbanu Karl Schmidti käest:

selget rahha	8 Rbl.	Kop.
5 wakka kartohwlid	2	50
Üttekokko	10 Rbl.	50 Kop.
Selle 10 Rubla 50 Kopka päle om Peter Oja sõssar Anne käest ärrä sanu ütte willatse warrastega koetu kambsoni.	3
Jääp Peter Ojal sõssar Anne käest sada	7 Rbl.	50 Kop.

(Se 7 Rbl. 50 Kopkat om sija koggokonna kohto kätte sisse massetu.)

Peter Oja om essi Keerdo poja Peter Hawerile ärrä müünu:

1 lammas	2 Rbl.	25 Kop.
1 wak kartohwlid		50
1/6 wakka linnaseemnid		75
Selget rahha andnu		80
Üttekokko	4 Rbl.	30 Kop.

(Se 4 Rbl. 30 Kop. Peter Haweri käest om siin koggokonna kohto kätte sisse massetu.)

Peter Oja warrandus, mes soldat Karl Schmidti kätte hoita om jänu 1863 aastal, om wäärt	54 Rbl.	Kop.
Keerdo poja Peter Haweri käest	4	30
Üttekokko	58 Rbl.	30 Kop.
Peter Oja om ärrä sanu:
Soldat Karl Schmidti käest	41 Rbl.	65 Kop.
Sõssar Anne käest nüüd selget rahha	7	50
"        "     üts kambson	3
Keerdo poja Peter Haweri käest selget rahha	4	30
Mes Peter Oja essi wilja om ärrä münu, kui temma koddon käuman olli	8
Om Peter Oja ärrä sanu	64 Rbl.	45 Kop.
Peter Oja warrandus om olnu wäärt	58	30
Peter Oja om ennamb ärrä sanu	6 Rbl.	15 Kop.

IIne kirri mõisa wallitseja herra Gernhardtile sest 25. Augustist 1869. Peter Oja tõise kirja perra om se warrandus, mes Karl Smitti kätte om hõita jänu, nida samma suur, kui temma eddimetsen kirjan sest 9. Julist 1869 om olnu:

5 wakka leiwa terri

5  "  keswi

5  "  kartohwlid

2 lammast

1 1/2 wakka alla röa maad

Neide katte, 1se ja 2se kirja päle om Wanna Anzmõisa koggokonna kohtust sel 22. decembril 1869 Peter Ojale se selletusse kirri antu, kumman Peter Oja ommantusse nõudminne nink ka se, mes Soldat Karl Schmidt Peter Ojale om ärrä masnu, sissen saisap. 

IIImas kirri Wanna Anzmõisa koggokonna kohtule sel 30. Decembril 1869.

Se kirri om koggokonna kohtu katte sanu sel 2sel Februaril 1870, nink selle kirja päle es olle suggugi wõimalik sellel koggokonna kohtul Peter Ojale wastust anda; 

1, Karl Schmidt olli tõbbeallane (kränklich) sest 15. Nowembrist 1869, nida et temma koggokonna kohto ette es wõi tulla, sellenkirjan kirjutedu kaipusse päle wastust andma;

2selt, Karl Schmidti tõbbi läts päiw päiwalt raskembas, nink ka Augusti kuu wiimassel otsal 1870 ärrä kooli. 

Peter Oja kirjotap omman kolmandaman kirjan, et temmal weel rohkemb soldat Karl Schmidti käest om sada:

a.	2 koormat hainu	'a 4 Rbl.	8 Rbl.	Kop.
b.	3  "  õlgi	'a 1	3
c.	2 koormat õlgi	'a 1 Rbl.	2
d.	Ülle ültse pikki õlgi eest		2	50
e.	Sonnik (Must) maa eest		5
f.	ütte särgi (Rock) eest		5
g.	5 wakka kartohwlid		5
h.	2 lammast		3
	Üttekokko		33 Rbl.	50 Kop.

Peter Oja nõuwap selle 3ma kirjaka paljo ennamb, nink om ka tõist kõrda mittu asja ülles kirjutedu, mes temmal jo selle 1sen ja 2sen kirjan om rahha arwu päle pandnu: Tunnistaja Andrus Puk ja ka Juk Rätsep annawa neide allan nimmitedu 5 punkti, a, b, c, d ja e, täwwelikku tunnistust. diese Folio 53!

a. 2 koormat hainu; om ennegi üts ainus koorma hainu olnu, se koorma hainu om Peter Oja sõssar Anne lamba ülle talwe toitus ärrä prukitu;

b. 3 koormat ja 2 koormat õlgi üttekokko 5 koormat, 

c. om ennegi 2 koormat õlgi agganiteka üttekokko olnu, sedda 2 koormat õlgi agganiteka üttekokko om Peter Oja sõssare lehma ülle talwe töitus ärrä prukitu;

d. ülleültse pikka õlgi - neid pikki õlgi om Peter Oja essi ärrä müünu Wanna Anzmõisale, ja om ka Peter Oja essi selle rahha wasta wõtnu. 

e. sõnniku (Dünger) ja maa eest. Se sõnniku kui ka maa om Peter Oja essi Litzmõtsa Johann Rätsepale ärrä müünu 5 Rubla 25 Kopka eest;

f. üts särk (Rock), mes Peter Oja nõuwap, ei olle Karl Schmidt, ei ka temma perrandaja, Peter Oja käest sanu, enge kaddunu Karl Schmidt om kül Peter Ojaka ütte särki wahhetanu. Peter Ojal om üts linnatsest rõiwast suwwe särk olnu, nink Karl Schmidti särk om willatsest (Wattmann) rõiwast olnu;

g. 5 wakka kartohwlid - se 5 wakka kartohwlid om jo Peter Oja 1sen kui ka 2sen kirjan, nink sellen kirjan, kumba koggokonna kohhus Peter Ojale sel 22. Decembril 1869 om Riga saatnu, Peter Oja warrandusse manno om ülles wõetu;

h. 2 lammast- ütte lamba om Peter Oja Keerdo poja Peter Hawerile ärrä müünu, se ei puttu ennamb Karl Schmidti wõlla külge. Tõine lammas om Peter Oja sõssar Anne ossajaggo, temma emmast perra jänu warrandussest. 

Peter Oja annap ka omman kirjan ülles, et Kauksiantsi Ants Möldre om temmale 120 Rubla selle warrandusse eest pakkunu, mes Karl Schmidti kätte hoita om jänu. 

Ants Möldre tunnistas, et temma kunnagi Peter Ojale 120 Rubla pakkunu ei olle, enge Peter Oja om Ants Möldre käest kül 100 Rubla küssinu omma warrandusse eest. Ants Möldre om Peter Oja'le üttelnu: "kui sinna minnole se warrandusse kik kätte annat, mes sinna minnole ollet ülles andnu, sis sa minna nätta, ehk wõip ka sedda 100 Rbl. anda; enne kui sinno warrandust minna weel ei olle nännü, kui paljo sinnol warrandust om, ehk mis sinno warrandus saap wäärt ollema, ei pakku minna sinnole 50 Rublat ka mitte."

Mes Peter Ojal Keerdo poja Peter Haweri käest om sada, om jo üllewan rahha arwun ülles wõetu. 

IVlas kirri Peter Oja wõllanõudmisse perrast sel 28. Nowembril 1870 Wõrrö maakohtule Rija rüggimendi wallitsussest sadet:

Peter Oja nõuwap Karl Schmidti käest selget rahha 33 Rubla nink ka weel 2 koormat hainu, 6 koormat õlgi ja ütte särki, mes 5 Rubla wäärt om; sedda särki ei olle Karl Schmidt Peter Oja käest mitte sanu. Se 33 Rubla rahha mes Peter Oja nõuwap, om sel 22. Decembril 1869 temmale koggokonna kohtu polest sadetu selletusse kirjan selgest ülles antu. 2 koormat hainu ja 6 koormat õlgi om Peter Oja IIIman kirja wastussen ärrä selletedu. 

10 wakka kartohwlid, mes Peter Oja siin sellen kirjan weel om ülles andnu -- om ennegi 5 wakka kartohwlid Karl Schmidti kätte sanu, sedda tunnistawa Peter Oja omma Ine ja IIne kirri tõttes. Siin om Peter Oja 5 wakka kartohwlid rohkemb ülles andnu, kui temma warrandus olli. 

Peter Oja, kui temma 1863 aastal  nekrutis ärrä anti, sis es tee Peter Oja omma warrandusse ülle ütteki selletust, ei siin selle koggokonna kohto een, ei ka tunnistajade läbbi, nink perran sedda om Peter Oja kats kõrd koddon käüman olnu, selle soldati teenistusse ajal: sis ei olle Peter Oja ka kellegika wõlla selletust tennu, ei koggokonna kohtu een, ei ka muide tunnistajade läbbi. 

Ülleültse kiki neide Peter Oja kirjade, kui ka Wanna Anzmõisa koggokonna kohto ärrä arwamisse perra, om se Peter Oja warrandus, kui ka Se, mes kaddunu soldat Karl Schmidt Peter Ojale om jo ärrä masnu, nink mes Peter Oja weel nüüd selget rahha 11 Rbl. 80 Kop. saap, om lühhidelt siin allan kokko arwatus:

Peter Oja warrandus, mes Karl Schmidti kätte hoita om jänu,  rahha arwo perra	54 Rbl.	Kop.
Keerdo poja Peter Haweri käest	4	30
Olli Peter Ojal üttekokko sada	58 Rbl.	30 Kop.
Peter Oja om jo Karl Schmidti käest ärrä sanu  rahha arwu perra	41 Rbl.	65 Kop.
Sõssar Anne kaest üts kambson, wäärt	3
Peter Oja om wilja ärrä müünu nink rahha essi wasta wõtnu	8
Saap nüüd weel selget rahha	11	80
Peter Oja om kätte sanu	64 Rbl.	45 Kop.
Peter Oja warrandus olli suur	58	30
Selleperra om Peter Oja rohkemb sanu	6 Rbl.	15 Kop.

Selle Wanna Anzmõisa koggokonna kohto selletusse kirjaga sawa ka ne Peter Oja kirja ütten sadetus, kumbe Peter Oja Wanna Anzmõisa koggokonna wannembale, moisa wallitseja härräle nink wiimate koggokonna kohtule om kirjutedu.

Ine kirri sel 9. Julil 1869	siin wasta woetu sel 28. Julil 1869
IIne   "  25. Augustil 1869	"  15. Septembril 1869
IIImas  "  30 Decembril 1869	"  2 Webruaril 1870

nink ka se üllewan nimmitedu 11 Rbl. 80 Kop. selget rahha. 

Päkohtomees Märt Lüüs XXX

Kohtomees Jaan Reiljan XXX

  "  Sahkri Pik XXX

  "  Ado Puusep XXX

  "  Karl Wallner XXX

Anfang, Folio 51. Peter Oja ja ka temma sõssar Ann ellasiwa ütten koon Partsioja tallon koddapolitse (Lostreiber) teenistussen, neide palkas olli walla pruki perra maad antu. Se maa saak nink willi, kui ka õlle om Peter Oja, kui ka temma sõssar Anne, aastane teenistusse palk; Annel om õigus, omma lehma kui ka lamba ülle talwe piddada sööta nõuda.