Jännese Michel Rätsep kaibas, et ta leppinu suwwel wanna selle tallo perremehhe Jaan Luiskaga, kohtomehhe Hendrik Pilli man ollemissen, selle tallo käestandmisse perrast nenda: Jaan Luiska lubbanu temmale 8 wakka rukki sandi rukki eest maksa, ja kiik kattused ärrä parrandada, nüüd es olle ta kattusit parrandanu, ja olla temmal küüni täis õlgi ärrä mäddanu. Ta nõuda nüüd, et ta kattuse parrandab ja temma kahjo 30 rub tassob - 8 w. rukki kül sanu ta kätte.

Kaewataw Jaan Luiska ütles selle pääle, et ta kül ne kattuse parrandanu ni kui leppitu, kui kaebaja olles omma lepping piddanu, - temma lubbanu 6 w. alla halwa rukki orrast temmale päle tehha kaera, ent kündnu essi ülles. Ta tahta nüüd se sündinu kahjo weel ülle kaeda.

Tun. kohtomees Hendrik Pilli tunnistas, et kaewataw Jaan Luiska leppingo man kül lubbanu kaebajale 8 w. rukki maksa ja kiik kattused parrandada, rukki ja kaera maast es olle juttu.

Kohtomees Jakob Moses leidnu üllekaemisse man, et kattuse kül kaknunu, nimmelt olli küni kattus mulke täis ni et õllet ehk ellaja toit kül likke nink rikkunu.

Moisteti: Et kaewata Jaan Luiskale aega anda se ellaja põhho kahjo essi ülle kaeda, kui nemma leppida ei sa, siis on neil 10. Webruaril s. a. ette tulla.

Se otsus sai neile kulutud.

Pä kohtomees Jaan Mollok

Kohtomees Jakob Moses Hendrik Pilli

Kirjotaja F. Thal <allkiri>.