Wölli Mango Prakle tüttar Kattre kaibas, et te teggemisse man ajanu Otsa sullane Johann Kollina, kes wastu tulnu kõwwaste tühjalt ajaden, ta koormaga minnen ei sanu kõrwale joosta, tedda wankri alla, nüüd tal olla lu katski.

Kaewataw Johann Kollina wabbandas, et ta rühkinu töisele järrele, nink tulnu sel modul koggemada se õnnetus.

1. Tunnistaja Jaan Sentka tunnistas: minna ja se tüdruk lätsime krusa koormaga ja tulnu tullitsest ajaden se kaewataw wasta, minna sain kül eest ärrä kargata, tüdruk tulli takkan n. es sa eest ärrä kargata - jäi kummule alla, wankri lätsiwa ülle õlla, - se ni kui õnnetussest lasti.

Moistus: Kunna kaebaja ihhol ennamb wälja pool wigga siin kohto ees es leida ja se tüdruk essi ka süidi, et ta wasta tulleki pääl henda wankri alla lasknu ajada, olles kaebajal Johann Kollinal 1 rubla ennege maksa kaebajale 8 p. sissen.

Se otsus sai kohto käujile kulutud. Jäiwa rahhule.

Pä kohtomees Jaan Mollok

Kohtomees Jakob Moses

Kohtomees Hendrik Pilli

Kirjotaja F. Thal <allkiri>.

2. Junil 1878 Otsa Jaan 1 R. masnu ja kassaka läbbi Katrele sadetu.