Wanna Koiola koggokonna kohtun Wissen, sel 4tal augustil 1875.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Peep Tobre

                    kohtomees, Karel Kooskora

Johann Lutzar kaibap, et rem(m)a lepnu hen(n)ele Jaan Sõõrd, kes Kähri wallan ellap aasta päle 45 rubl palga eest sullases ja 10 rubl kätte antu nink 1 rubl 50 kop. tee trahwis omm)ast käest tem(m)a eest mastu. Nõwwap tem(m)a kaubeld palk 45 rubl taggasi; sis om rahho. -

Nink ütlep weel: et Jaan Sõõrda sõnna ei olle kuulnu ja allati öse ümbre hulknu tüdrikuid pitte, ehk muial, nowwap selle eest tedda trahwi. -

Jaan Sõõrd wastutas:"Tem(m)a es anna mulle leiba ja kõrwalinne es olle ka hää; selleperrast lätsi ärra tem(m)a ajamisse päle."

Johann Lutzar ütles:"Et Jaan Sõõrd perrast kolme kuu teenmist olla tem(m)a mant ärra lännu, mitte ei olle tedda ajanu."

Moistet: Et Jaan Sõõrd piddi kaib ama, kui süwwa es sa ja om lubbaga ärra läts

Otsus: Kaotap Jaan Sõõrd om(m)a kolme kuu tenüsk ja massap doppeld 11 rubl 50 kopkat Johann Lutzeril 15 oktobril s.a. taggasi. Se om 23 rubl. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                       Kohtowannemb, J Pihho

                        Kohtomees, Johann Keerd  XXX

                        Kohtomees, Peep Tobre  XXX

                        Kohtomees, Karel Kooskora  XXX

                                Kirjotaja, J. Käis

Johann Lutsar protokoll wälja sanu sel 8tal augustil s.a.

                                                                    Kirjotaja, J. Käis