Wanna Koiola koggokonna kohtun Wissen, sel 4tal augustil 1875.

                    Man olliwa, kohtowannemb, Jaan Pihho

                                         kohtomees, Johann Keerd

                                         kohtomees, Karel Kooskora

Katre Haidak om(m)a eestsaisja Johann Haidak´ka kaibawa Peter Pik naise Ewa Pik päle, et Peter Pik, kui ka tem(m)a naine lubbawat tedda hapnema panda kui kaddonut An Jägerit. Ja mitte üts kõrd, enge mitto kõrd allati; seperrast: Et tem(m)a lats rannast toda kalla kosti läbbi põddemisse päle jäänu. Nõwwap et sesuggune häbbemata jut mahha jääs ja tem(m)a se eest trahwitus saas. -

Peter Pik, kui ka tem(m)a naine Ewa wastutas: Tem(m)a tulli minno maija kewwaja ja tõije kallo ka ütten, nink lats putte, mes päle põddema jäije. Mes tarwis ta tõije, mul es olle tarbis. Üts munna löise minnu Ewa kewwaja, se panni paika targaste

Katre Haidak wastutas: Tem(m)a naine Ewa kuts minno kangast ülles säädma, sis lätsi app oppama ja weije ka wärskist ranna jrwist neile kostis, mes neil weel hendal es olle." om(m)a puhtast säamest. Nink latse põlwest sani ei tija minna kige wähhamb nõidusest; mes ka kohtowannemb Jaan Pihho woip tunnistada, kedda kedda norel põlwel teense."  -

Ewa Kladde and tunnistust: Ewa Pik ütleb Kaddaja Johani koani: Kae, minna tahha Katre Haidako hapnema panda." -

Otsus: Koggokonna kohhus pallep enne kottusse oppetajat kui ei awwita tem(m)a mannitsus selle pim(m)endusse ja hullu kõnne ülle, mes Peter Pik, kui ka tem(m)a naine Ewa om(m)a tõstnu Katre Haidak wasta nõiduse perrast; sis saap kohhus perrast otsus andma, nink ka neid tühja juttu tõstjit trahwi. Et ne hullu mõttega risti innemisse sawa mannitsedus ja õige tee päle ümbre känetus, om(m)ast nõidusest ja peljust. -

Kohtokäüjile otsus ette loetu, suremba kohto sädua § 772, 773 n. 774 perra kulutedu

                          Kohtowannemb, J Pihho

                            Kohtomees, Johann Keerd  XXX

                            Kohtomees, Karel Kooskora  XXX

                                     Kirjotaja, J. Käis