Wanna Koiola koggokonna kohtun Wissen, sel 4tal augustil 1875.

Man olliwa, kohtowannemb, Jaan Pihho

                     kohtomees, Johann Keerd

                     kohtomees, Karel Kooskora

Johann Kriwa kaibap Michel Loki päle, et tem(m)a raggonu om(m)a ütte wakka ma warrikut kolmest paigast mahha, se sam(m)a prugi perra, ni kui kiik muu walla rahwas, nink taht tedda katte wilja alla põllus tetta; selleperrast et se mõtsa allone om saisnu, ja eggaüts teed, mes saisnu maa perremehhel kaswo and. -

Michel Loks wastutas: Minnol lät sitta maad wie wakka maad tälle mõtsmaast ärra ; seperast ei lasse täll tetta. Kui sitta maad wasta annap, si woip mõtsa allone tetta." - 

Otsus: Se põhjus päle, mes sel 19nel mail s.a. Nr 49 protokollin saisap ja maa pruukmisse perrast eggale walla perremehhele om kulutut ja tükki kaupa selletet; - saap ka neil otsus antu, nida kui ponkt 4 näitap. Et eggal üttel om lubba om(m)a mõtsa asseme päält kats wilja wõtta; sis sattap perrast wastse perremehhe kätte. Nink neile om ka protokoll Nr 49 ette loetu täämba.

Kohtokäüjile otsus ette loetu, suremba kohto käimisse sädus § 772, 773 n. 774 perra kulutedu. -

                      Kohtowannemb, J Pihho                    

                        Kohtomees, Johann Keerd  XXX

                        Kohtomees, Karel Kooskora  XXX

                                  Kirjotaja, J. Käis