Wanna Koiola koggokonna kohtun Wissen, sel 11tal augustil 1875

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Karel Tobrelutz kaibap Jaak Puksa päle seddawisi: Et tem(m)a lehm karja man wiggatses sanu. Sepäle om om(m)an koplin 1 1/2 nädd. piddanu, nink perräst säält wälja päsnu ja karjale perra lännu; kon Jaak Puksa sure karja sisse lasknu ja jalla seläbbi lehm katski murdnu. - Nõwwp 5 rubl. -

Jaak Puksa wastutas:"Lehm woise kül tokõrd wiggatses sada, ent sedda ma ei tija. Ent 1 1/2 nädd. olli ta kotton ärra ja sis tulli ta karja perra, konna wasta saije hoietus. Sis pusk Peep Tobrelutzu lehm tedda üts kõrd ja saije wist wiggatses; nink sadi ka teedminne koddo." -

Moistetu: Et Karel Tobrelutz om(m)a lehma, kedda ta näggi, et karja ellaja tedda wihksiwa, lask 1 1/2 nädd. perrast om(m)a pääd karja manno minna, ilma karjusse teedmata ja karjus wasta kaits.

Otsus: Jääp Karel Tobrelutz om(m)as kahjus; nink jääp Jaak Puksa sest kaibussest prii. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu. -

                      Kohtowannemb, J Pihho

                           Kohtomees, Johann Keerd  XXX

                           Kohtumees, Peep Tobre  XXX

                           Kohtomees, Karel Kooskora  XXX

                              Kirjotaja, J. Käis

Karel Tobrelutz protokoll wälja sanu sel 18al augustil s.a.