Wanna Koiola koggokonna kohtun Wissen, sel 11nel augustil 1875

Man olliwa kohtowannemb, Jaan Pihho

                     kohtomees, Johann Keerd

                     kohtomees, Karel Kooskora

Peter Häm(m)älane kaibap, et kewwaja tem(m)a kartohwli-mos 5/3 wakka maa alle Ado Hurt hennele tõug wiljas ärra tennu, mes wanna krondi perra tem(m)a om(m)a olli, ja wastse krondi perra, mes tälle tulli, om Jakob Plak 2/3 alla hennele tõug wiljas; nink Peter Plak 1/ wakka alla hennele tõwwus tennu; ni et tem(m)a wahhete päält wannast, kui wastsest krondi piddamissest ilma om jänu. Nõwwap, et kohhus tem(m)ale annas, kas wan(n)a, wai wastse krundi päält om(m)a ma kätte. -

Jakob Plak wastutas:"Minna teije om(m)a kartohwli mo, mes leppingun es olle ja arrit olli, hennele tõug wiljas, om(m)a wanna krundi päle, kelle eest wälja olle masnu."

Peter Plak wastutas:"Minna teije om(m)a kartohwli-moo, kohhe sit sai pantus, wanna krundi perra tõug wiljas; ent leppingun es olle meil sest middagi kõnnelemist." -

Ado Hurt wastutas:"Minna teije toperrast, et mul muide kätte walmist arritut maad ärra läts. Temma kartohwli moo karas kohhe sit saije talwel pantus, sest et kartohwli täl ilma sitta olliwa, nink kartohwli mood es lä mul joht muide krondi sisse; nink wallawallitsus olli mulle jo kewwaja se lubba andnu." -

Moistetu: Et se awwalikkult nätta om, et Peter Häm(m)alane, kes om(m)a essa assemel maja eest, kui selle perria, kost tem(m)a wahhete pääl ilma om jäänu; nink küllan eggaüts omma kartohwli moo om tennu, nink tem(m)al muist wastse kui ka wan(n)a krundi perra saije katohwli moo ärra tettus Sis arwap kohhus: Et Jakob, kui ka Peter Plakkil olli õigus om(m)a kartohwli mood tetta, ni kui arritud maad kelle eest neil rent olli ärra mastu; Ent Ado Hurt´äl es olle märastiga õigust, om(m)a wastse krundi päle tõise kartohwli mood tetta, piddi kohtohe kaibama, nink mitte om(m)a lubbaga teggema.

Otsus: Jakob ja Peter Plak perriwa om(m)a kartohwli-moo tõug, ent Ado Hurt kaotap om(m)a teggeminni, nink perrip Peter Häm(m)alane tem(m)a külwet põld, ent Peter Häm(m)alane peap seeme, arwata 3 wakka karo, Ado Hurtal perrast pesmist taggasi masma. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                      Kohtowannemb, J Pihho

                        Kohtomees, Johann Keerd  XXX

                        Kohtomees, Peep Tobre  XXX

                        Kohtomees, Karel Kooskora  XXX

                           Kirjotaja, J. Käis

Ado Hurt  protokoll wälja sanu sel 12ne augustil s.a.