Wanna Koiola koggokonna kohtun Wissen, sel 11nel augustil 1875.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

/: Saije ette woetus, mes sel 4tal augustil s.a. Nr 116 polele jäije:/

Wanna perremees Jaan Härms, kes Peter Kattai käest ma olli ostnu ja mitte maija, nida kui neide lepping 8 webruaril 1865 näitap. Ütlep Jaan Härms et tem(m)a toost sani ei olle maija nõudnu, enge nüüd; selleperrast : et Peter Kattai wastset maija om nakkanu hennele ehhitama.

Hindrek Kattai wastutas:"Minna möie om(m)ast maast kolmas jaggo, ent tarre ei olle ma mitte lubbanu egga müünu, se päle weel, et nem(m)a piddiwa mulle tarre teggema, mes nem(m)a ka om(m)a tennu. 

Peter Kattai, Hindrek Kaddaja poig, kes parhella perremees ütles: Minna weije hennele palgi wälja, nink sis es kule minna kige wähhembat nõudmist, ent kui wanna tarre saije laotedus, sis kuli weidikesse kõbbinat. " -

Jaan Härms ütles: Minna ei nõwwa hennele, enge tem(m)a essa Hindrek Kattai´lt sedda wanna maija; sis olles min(n)a ka saanu." -

Ärra täämba henne waiel lepnu Jaan Härms, Peter Kattai´ga ja ei nõwwa middagi ennaämb wannast ei ka wastsest tarrest. -

                     Kohtowannemb, J Pihho 

                       Kohtomees, Johann Keerd  XXX

                       Kohtomees Karel Kooskora  XXX

                                 Kirjotaja, J. Käis