Wanna Koiola koggokonna kohtun Wissen, sel 11nel augustil 1875

Man olliwa kohtowannemb, Jaan Pihho

                    kohtomees, Johann Keerd

                    kohtumees, Karel Kooskora

Johann Kurwitz kaibap Jaan Kurwitz päle, et se tem(m)a wastse ja om(m)a wanna krundi perra sõõrdo tennu ja tahhap röas tetta, mes tem(m)a ei tahha mitte laske

Jaan Kurwitz wastutas:"Minna ei olle mitte tõise om(m)a tennu ja rent olle ma maa eest masnu; nink mõts 50 aastat lasknu kaswa, mes minna hennele sure waiwaga olle arrinu; seeda käest ärra ei anna." - Nink Johann Kurwitz woip minno krundi sissest om(m)a mõts wanna krundi perra mahha rakko ja põllus pruuki; nida kui külla lepping näitap 19nel mail s.a. Nr 49.

Johann Kurwitz ütles selle päle:"Antko Jaan Kurwitz minno wanna nurm katte wilja alla, sis olle rahho. " - Pälegi om wallawallitsus mulle lubba andnu wastast krunti pruuki."

Jaan Kurwitz ütles selle wasta: Egga tedda krono poolt mõtsa es aejeta, enge läts essi; ma mõõtjast saije meil mõllembile nurme, kui ka mõtsa maast jaggo antus

Moistetu: Külla leppingo perra 19nel mail s.a. Nr 49 saije kigile ette kulutedus; nida ka Johann Kurwitzale ja ei woi ka nüüdgi tõist otsust neile anda, enge jääp mõllembile se otsus; nida kui to kõrd neile ette om loetu, se perrast saap se otsus mudetus, et Johann Kurwitz om mõtsa wälja lännu ja terwe maja wanna nurm jäije Jaan Kurwitza kätte ütsinda, mes mitte muile perremehhile es sa. 

Otsus: Muido jääp kiik kindmas, nida kui külla lepping näitap, ent Jaan Kurwitz peap Johann Kurwitzale ütte wakka maa edde nurmest andma katte tõug wilja alla, kohhe sittt peap pandma ja aija maad, mes täl enne olli, kattes aastas pruuki; nink Johann Kurwitza sõõrd pallo pääl saap Jaan Kurwitzale ja Jaan peap nipaljo tälle tem(m)a wastse krundi sissest wasta andma; muido jääp Jaan Kurwitzale katte wilja alla pruki, nink essespiddi ei tohhi kumb kum(m)agi krondi päält wanna arwo perra mõtsa rakko, enge peap selle jääma, kelle krundito om. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu. -

                      Kohtowannemb, J Pihho

                      Kohtomees, Johann Keerd  XXX

                      Kohtomees, Peep Tobre  XXX

                      Kohtomees, karel Kooskora  XXX

                         Kirjotaja, J. Käis

Joh. Kurwits protokoll wälja sanu sel 19nel augustil s.a.