Ado Kalla läsk Ann kaibas, et temma weike 8 aastane tüttar Marri, kes Kusta tallo Jaan Luiska karjas olla, armetust töisest karjapoisist sellesamma karjas Jaan Annokast, ni et mõllemba kintsot werritse, mis kohtomees Hendrik Pilli ülle kaenu ja õige leidnu. Muud tunnistust ei olla kui Krusamäe Jakob Jallak sääl liggidal linno sugginud.

Se lats Marri ütles küssimisse päle, et selleperrast töine karjapois leppa witsaga tedda armetust peksnu, et temmal läinud põrsat rukki hakki päle nink hakki ümbre tõuganu, se perremehhe poeg Jürri Luiska käskinu peksa nink seisnu essi man. 2 körd hakka man ja 2 körd mõtsan.

Kaewataw Jaan Annok, 15 aastane, salgas, et ta ei peksnu ja arwas, et selle emma essi tedda peksnu. Wimati ütles, et Jürri Luiska käskinu.

Selle perremees Jaan Luiska ei ütle sest peksmissest middagi teada.

Kutsuti ette:

1. tunnistaja Johann Jallak tunnistas: minna es panne middage tähhele, et hä körra maad kaugel olli, enne minno karjas ütles, et pois Jaan Annok jälle sedda last peksis, päle se tulli ta meije karjalatse mannu ja ikkes paljo aiga, siis minna ütlesin, mis sa tedda peksat ta on jo rummal wäega, selle päle ütles ta, mis rummal, ka kuis ta targaste wastutab.

Kaewatawa issa Johann Annus tõrreles ka omma poega selle peksmisse eest ja es kitta sedda mitte.

Moisteti: Et 1. Septbr tunnistajad ette

Se otsus sai k. k. kulutud.

Pä kohtomees Jaan Mollok

Kohtomees Hendrik Pilli ​​​​​​​Jakob Moses

Kirjotaja F. Thal <allkiri>.