Wanna Koiola koggokonna kohtun Wissen, sel 11nel augustil 1875

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Kohtomees Peep Tobre ja wöörmöndre Peter Lutzar kaibawa Johann Koolma ja Jaak Puksa päle, et nem(m)a neid olla trotsnu ja saibaga ähwardanu, kui neide käest wõllon saiawat walla masso olla wälja perrinu. Sis küssinuwa pabberid, et mes perrast nem(m)a sedda takkan nõudwa ja Jaak Puksa olla üttelnu: Kanna-tage kui ma söö, sest Tarto kohhus om mul ärra keelnu, pärahha masmast. Minna rao teije pää kirwega mahha, nink woid teid puuhte tõm(m)ata. Nink Johann Koolma tahtnu jälle sure saibaga neid mahha lüwwa."

Johann Koolma wastutas:" Se om õige, minna wõtti kül saiba kätte, kellega keroti, ent Peep Tobre pässi pakko ja Peter Lutsar jäije kätte." -

Jaak Puksa wastutas:"Minna es ütle kül, et puu latwa waja tõmmata, enge kirwe wõtti kül kätte. Meile tulliwa kirja Tartost ütte säksa läbbi, kes mitte pärahha es kässe massa; sest et kolm aastat taggasi waesil pärahha olla jo mahha jäänu." -

Selle päle ei woi koggokonna kohhus otsust anda; nida kui § 1035 Tallo rahwa sädussen näütap; sis saap allandlikult K. Werro Maa kohhut palleldus, et wõttas neide assi parrembast perra kullelda ja wasta pandjid säädusse perra trehwi. -

                      Kohtowannemb,

                      Kohtomees, Johann Keerd

                      Kohtomees, Karel Kooskora

                              Kirjotaja, J. Käis