Wanna Koiola koggokonna kohtun Wissen, sel 25tal augustil 1875.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Kährist Michel Paidra kaibap, kui 3tal augustil Ahja ma päält Taiwaskoa alt kontserti päält õddango om(m)a koddo tahtnu tulla, sis om tem(m)a sõbber Michel Oina tem(m)aga ütten tulnu ja tedda külla kutsnu; mes päle kül Johann Kahha usaija päle tem(m)aga lännu; perrast küssinu; paljos kel om, sest minna pea koddo jälle taggasi minnema rihhele. Kui kella om wälja wõtnu; sis om Michel Oina uri käest wäggisi ärra riisnu ja essi koddo pole taggasi suurt teed pitte plaggama pandnu. Se assi om sündinu sure tee pääl. - Nõwwap om(m)a uri kätte, sis om rahho. -

Michel Oina wastutas:"Minna tem(m)aga kül Johann Kahha pole lätsi ja tem(m)a jäije wist sinna, mina tulli ärra, ent uri min(n)a es wõtta; nink to kõrd olli min(n)a purjun; nink lõhhi tullekid kui tolm."

Michel Paidra pand tunnistajs: Peter Haidak, Jakob Käis ja Michel Juks.

Et se assi selgest nätta sure tee pääl sündinu ollew ja ka weel wäggisi riisminne ette om tulnu; sis saap allandlikkult Keiserlikko Werro Maa kohhut siist poolt palleldus, et wõttas neide assi selletada ja otsus neile anda; seperrast et koggokonna kohtul nisuggutse wäggise surete pääl rööwmisse ülle üttegi wõimo ei olle.

                    Kohtowannemb, J Pihho

                    Kohtomees, Johann Keerd  XXX

                    Kohtomees, Karel Kooskora  XXX

                           Kirjotaja, J. Käis

Michel Paidre protokoll wälja sanu sel 30 augustil