Wana Koiola koggokonna kohtun Wissen, sel 25tal augustil 1875.

Man olliwa kohtomees, Peep Tobre

                    kohtomees, Johann Keerd

                    kohtomees, Karel Kooskora

Tulli Wisse kaupmees J. Pihho kohto ette ja and ülles, et tem(m)a podin 23/24 augusti wasta ööse om käüdu; üllewelt pöningo akna kruti katski murdmisse nink lugi wallale wõtmisse läbbi. Warrastel olla hupi arwata päle 20 rubl rahha ja üts 4 rawwaga rowolfer, mes 9 rubl wäärt; nink kaupa ütte 40 rubl eest. - Kaupmees J. Pihho löis perrast üts maa wäits podist, mes warras olli mahha unnetanu ja wäitse perremees om Peter Kohw, kes ta om(m)as tunnistas, ent ei ütle henda mitte warrast ollew. -

Karel Aumann, kes tol öösel öütsi mant ärra tulnu hulkma, saije kinni woetus ja küssitus kõndmisse ülle, ent wastutas: pikka nõudmisse päle: et tem(m)a ütsinda ei olle pooti kisknu, enge Johan Wähk om ka olnu, nink üts kolmas kedda eddimalt es ütle tundwat, ent perrast ütles August Kohler ollew. Ne kats olla tedda hennele nõus wõtnu, nink om(m)a tonu Michel Pikk reddeli ja enne Peter Wissow kirwega tõise pele mahha raggonuwa, et kergemb tõsta olles, mes ka kiik nida tõtteste löitus saije kirwest nurme ja rettel podi aija takkast.

Johann Wähk wastutas:"Minna sest wargusest middagi ei tija ja es ütle hendal ka rahha ei ka muud krami ollew; ent kui kohtomehhe Johann Keerd, Karel Koos-

kora, wöörmöndre Peter Lutzar ja Peter Sing man ollen tem(m)a kraam saije läbbi otsitus; sis löiti tem(m)a takkast 61 rubl 27 kop haino sissest ülles, mes ütles sis om(m)a rahha ollew

Karel Aumann wastutas: Minna kül podin sissen es käü, enge olli al, kui Johann Wähk sissen olli ja perast ütte kotti täwwe podi kramiga mahha tulli sis mõllemba öitsi platsi pole lätsiwa. Krami es an(n)a ta mulle, enge ütles: Sinnost wahhest tullep perrast wälja, nink sis läts ülle jõe ja minna öütsi manno. -

Kui August Kohlerile Tartohe perra olli sadetu, sis perrast tunnistas Karel Aumann, et olla halwaste tennu, Johann Wähk käskmisse perra: Et ütle August Kohleri päle, se lääp Wennemale ja sis om assi möda. -

Ent August Kohler es olle mitte, enge meije ollime kattekeske poodin käümisse pääl

Sis sadap sesinnane koggokonna kohhus ne kats warrast Keiserlikko Werro Maakohto kätte, Karel Aumann ja Johann Wähk, et austud kohhus essi neid om(m)a nõudmisse ja üllekullemisse alla wõttas, nink wargidegasädus perra tallitas. -

                       Kohtomees, Johann Keerd

                                  "       , Karel Kooskora

                                  "       , Peep Tobre

                                  Kirjotaja, J. Käis