Wanna Koiola koggokonna kohtun Wissen, sel 9tal septembril 1875.

Man olliwa kohtomees, Johann Keerd

                    wöörmöndre, Josep Kurwitz

Sel 7tal septembril s.a. om kaupmees J. Pihho teda sanu, et Jaan Troon pabbirossitega rikkalikkult om ümbre käünu, sepäle om tem(m)a wõtnu perremehhe Andres Wissow ja kõrtsi kauba müüja Andres Moisto ja perremehhe Michel Pik ütten; sest et pühha päiwal am(m)eti mehhi kätte es sa, nink om(m)a selle poisi korteri perremehhe Peter Wissow pool läbbi otsnu ja säält om ülles löitu: 1 pistol, kottiga pabbirosse ja tingelpuga rahha

Sis saije Jaan Troon kinni wõetus ja se ütles: Et Karel Aumann om podin käünu ja se nim(m)itet kraam tem(m)a kätte andnu hoita, mes tem(m)a ka nüüd kohto-

mehhe  Joh. Keerd ja walla wöörmöndre Josep Kurwitz een sedda sam(m)a wisi tõendas. Nink nem(m)a om(m)a kattekeske olnu: Karel Aumann ja Jaan Troon, ent Johann Wähk  ei olla mitte olnu, enge Karel Aumann olla muido tem(m)a päle wõlsnu. -

Sis sadap se sinnane koggokonna kohhus sedda poisi Jaan Troon, kelle käest se warrastet kraam om ülles löitu austud Keiserlikko Weero Maa kohto kätte, nida kui neid tõisige et wõttas neide käest weel parrembast perra kullelda ja sädusse perra neide katte wargaga tallitada. -

                       Kohtomees: Johann Keerd  XXX

                      Wöörmöndre, Josep Kurwitz  XXX

                               Kirjotaja, J. Käsi