Wanna Koiola koggokonna kohtun Wissen, sel 10tal septembril 1875

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Tulliwa ette Tilsi-Kolga perremehhe, nimmelt: Jaan Jäger, Johann Kurwitz, Jaan Kurwitz, Johann Hurt´a maja wöölmöndre: Jakob Hurt ja Michel Warres; - nink anniwa siin selle kontrakti leppingo läbbi om(m)a Tilsi wessi-weski möldre Reinhold Spalwing kätte, neide alpool nim(m)itet ponkte perra 20nes aastas rendi päle.

Sest 1877 aastast 23mast aprilist 1897 aastani 23me aprili kuu päiwani

                                                                          § 1.

Möldre Reinhold Spalwing ehhitap wastsest, weski kodda 9 süld pik ja 5 süld lagja, - ülles; nink ello tarre om ka selle ruumi sissen; - nink pannep kats kiwwi kotta. 

                                                                         § 2.

Kiwwe, - ni paljo kui tarwis, widdawa perremehhe egga üts om(m)alt poolt manno, nink ehhitamisse aigo ei pea neist pudus ollema.

                                                                          § 3.

Puu materiali ostap möldre R. Spalwing ja weap om(m)a kulluga manno.

                                                                           § 4.

Kiwwi-koale pannep möldre R. Spalwing schindri-lawwadest kattus päle; nink ostap essi, ni paljo kui tarwis.

                                                                           § 5.

Lubbi, mes müüri tarbis kullup, ei puttu ka perremehhile, om möldre osta.

                                                                            § 6.

Kui möldre Reinhold Spalwing peas muid kõrwamaidsi hoonit, ehk muid tarwiduisi, wäljale poole nelja weski saina ehhitama; - jääwa tälle om(m)as, kui rendi aig ümbre om.

                                                                           § 7.

Ent weski kodda ja ello-maja ütte kattuse al katte jahwatamisse kiwwiga ja sissemaiste weski-riistoga, jääp perremeeste om(m)andusses, kui möldre rendi-aig ümbre om.

                                                                           § 8.

Tammi annap Reinhold Spalwing perremehhile seddawärki kätte, kui tem(m)a neide käest wasta om wõtnu, mes wastawõtmisse aigo protokolli peap sisse kirjo-

tedus saama.

                                                                          § 9.

Katte jahwatamisse kiwwi päält, massap Reinhold Spalwing aastas 130 rbl /sadda kolm küm(m)end rubl/ renti: - Nink kätte masminne saiasp katten terminin; sis kui perremehhe, talwel kui ka suwwel om(m)a kroono renti maswa; massap möldre jälle ka neile; ent pool ennegi kõrraga. -

                                                                          § 10.

Sisse minneki, ehk ehhitamisse 1877 aastal 1878 aasta sisse, - massap möldre pool renti; nim(m)elt: 65 rubl perremehhile perrametsel terminil; ent perrast allati, täüs leppit rent; kui om ülles ehhitet, nida; kui perremeeste poolt om kästü. -

                                                                          § 11.

Möldre peap 4 perremehhe liht jahwatus ilma matti ehk rendita jahwatama, mes neide tallon om

                                                                          § 12.

Perremehhe andwa ka om(m)alt poolt kokko 8sa wakka alla rassedast mõts põllumaast möldrele ütte-tükki, 20 aastas pruuki, nink woip wiljan pitta, ni kui him-

mutsep, ent selle eest ei olle massu. -

                                                                         § 13.

Möldre karja-looma woiwa ilma perremeeste keelo ja neile massuta, - neide ellajidega ütten karjan käwwa, nink möldre massap palk selle, - kes neid hoiap. - Nink sedda samma wiisi om ka hobbesega enne ja perrast haina teggemist lubba.

                                                                         § 14.

Kui rendi aig ümbre om, sis woip möldre eenrentmisse weski õigust hennele jälle wastsest pruuki; ent kui ei sünni, sis woiwa ka perremehhe muile renti.

                                                                          § 15.

Se eest wastutas möldre, kui peas kolm kõrd wargust tem(m)a om(m)alt poolt awwalikkult ette tullema; - sis kaotap möldre om(m)a lepping ja om kontrati -

õigus katski.

                                                                          § 16.

Möldre peap om(m)a rendi weski tulle kassa alla ülles wõtma ja essi rahha masma. -

                                                                          § 17.

Kui Kroono poolt peas kigile wessi-weskile mass  päle tullema, sis massap ka möldre

                                                                         § 18.

Perremehhe peawa ka sedda wisi wessi üllewel piddama, kui nüüd wannal möldrel egga kõrd om; nink wastutawa selle eest. -

                                                                         § 19.

Kui tulle weski-kiwwi-poole, ehk wõlli toominne; sis peawa ka perremehhe awwitama om(m)alt poolt; ent pool ei tohhi kaugemb 15 wersta ja wõll 20 wersta olla. -

                                                                         § 20.

Möldre om täämba 25 rubl. käerahha perremehhile kätte andnu, mes eddespidditse rendi ette jääp. -

                                                                         § 21.

Sellega omma kiik perremehhe ja ka möldre Reinhold Spalwing rahho wiimate sel täämbatsel päiwal ja ka egga kõrd, nink leppingo katski kiskmist ei wõi kum-maltki poolt ette tulla, kui mõllembilt poolt ponkte perra täüdet om. -

Sis kinnitawa sedda kiik perremehhe ja neide mõnne eest wöörmöndre sedda om(m)a käe, ehk risti tõmbamise läbbi; nink ka möldre. -

Nim(m)elt: Weski rendile andaja:  

                                                                Jaan Jäger  XXX

                                                                Jaan Kurwitz  XXX

                                                                Johann Kurwitz  XXX

                                     selle eestsaisja Johann Kahha  XXX

             Johann Hurt maja eestsaisja Jakob Hurt  XXX

                                               ja Michel Warres   XXX

Weski wasta wõtja ja ehhitaja:

                               Möldre: Reinhold Spalwing  XXX

                           Kohtowannemb, J Pihho

                           Kohtomees, Johann Keerd  XXX

                           Kohtomees, Karel Kooskora  XXX

                           Kohtomees, Peep Tobre  XXX

                                     Kirjotaja, J. Käis