Wanna Koiola koggokonna kohtun Wissen, sel 10tal septembril 1875.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

/: Saije ette woetus, mes 25tal augustil s.a. Nr 130 polele jäije:/ -

Jaan Holwandus es olle tulnu.

Peter Kärik ütles:"Mul palli ka hulk mõtsa ärra; sis ei sa temma tunnistajas woetus; ütles hennel 30 wakka maa ärra pallawat; nõwwap 300 rubl.

Hindrek Oja and tunnistust: Kesset sood palli, sedda minna näije, nink suitsas mitto päiwa; ent sedda ei tija, kes tulle sisse pand." -

Kohtomees Peep Tobre kes sedda pallamist ülle kaenu and tunnistust: Soo were sissen olla soldat Peter Tobre padda olnu Tõrwhawwa orro pääl ja säält olla kige eddimalt pallanu, sis olnu, wimate soo weert pitte 1 1/2 wersta pinta löida, kos mättit olgiga pallama pantu.

Peter Tobre ütles: Mul palli kewwaja ja mitte tokõrd. 

Et kohtomehhe tunnistus läbbi tõttes sanu, et se pallaminne tõisest paigast alganu ja sedda ei tija keaki, kelle läbbi tulli wälja om päsnu, nink mitto päiwa pälegi pallanu, kui kiik mõtsa om(m)anikku päält kaijewa ja kistutama es lä." Sis ei anna täämbe koggokonna kohhus üttegi otsust; sest et se nõudminne suur om ja wõiwa kahjo saja perremehhe Keiserlikko Werro Maakohto kätte sisse kaiwata

                       Kohtowannemb, J Pihho

                       Kohtomees, Johann Keerd  XXX

                       Kohtomees, Karel Kooskora XXX

                             Kirjotaja, J. Käis

protokoll sel 13nel septembri s.a. Jaan Järweots´le wälja antu.