Kolonits Johann Niggol tulli ette, nink ütles, et ta ei olla selle leppinguga rahhule mis 22. Junil s. a. protokolli Johann Kustenberg lasknu sisse kirjotada, et Kustenberg temma rukkit leikab ja temma Kustenbergi ma pääl seiswad rukkit, selleperräst et ta essite neid rukkit wahhetada ei tahtnud ni kui ta, Johann Niggol, ja nõuda ta nüüd, et igga üks omma ma pääl seiswa rukki leikas.

Johann Kustenberg ütles, et Johann Niggol ja kewwade nenda tahtnu, siis ta ka nenda leppinu ja jätnu temma tahtmisse perra, ja jäda nüüd ka sellega rahhule.

Kohtomees Hendrik Pilli tõendas, et Johann Niggol wistist kewwadel tahtis, Johann Kustenbergi kohha rukki leigatu, Kustenberg essite es tahtnu nenda leppi, ent wiimati siiski leppis nink laskis protokolli sisse kirjotada.

Wöörmünder Jaan Mikkel tõendas nendasamma, et Johann Niggol Kustenbergi rukkiga rahhule olnu, ja wahhetada tahtnu, Kustenberg ei olla kül essite tahtnu, ei teda kas ta wiimati rahhule jänu. Puijega jänu ka Niggol rahhule, ent nüüd ta ka selle ülle kaibas wisti 2 jalga pudus.

Moistus: Kunna Johann Niggul kewwadel sedda rukki wahhetust sowis, mis sowiminne ka täidetu, ent nüüd ta taggasi wõttis olles temmale 3 rubla seja waeste lati trahwi maksa ja siis wiimati neil se ennine lepping tühjast tehha, nink kummagil need rukkit leigata, mis neide kohha pääl seisab, ka puijega Johann Niggolil nüüd rahhule jäda, kunna ka Dawit Wiksi, moisawallitsusse eest tänna siin tõendas, et Johan Niggol lubbanu neidega rahhule jäda.

Se otsus sai k. k. kulutud. Kustenberg ei tahha rahhule olla ent Niggol on rahhule ja lubbas trahwi maksa.

Pä kohtomees Jaan Mollok

Kohtomees Jakob Moses

Kohtomees Hendrik Pilli

Kirjotaja F. Thal <allkiri>.

3 R makset