Wanna Koiola koggokonna kohtun Wissen, sel 10tal septembril 1875

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Daniel Tann Ahja wallast kaibap, et Peter Sing tedda aasta päle sullases kaubelnu, palka 30 rubl, pärahha ja 2 mõto linnaseemend mahha. Nõwwap, mes sädus kässep.

Peter Sing wastutas: Tem(m)a tulli minno manno teenma ja täl es olle asseme otsmisse tähte ja aasta passi, mes tem(m)al kästi murretseda, kui kaupa teije. Tem(m)a neid tunnistussi es to, es wõi minna ka tedda teenma wõtta. Nink ütli: To neid mul, sis minna sinno wõtta ja palk massa, mes leppit; ent tem(m)a läts tooma ja toop täämbatse kohto päiwani. Minna olles ka kaiwanu, ent es tija, kost ta ellap. Seperrast et nüüd teda, nõwwa 30 rublat tem(m)a käest, mes mul tälle leppit, sis olle minna rahho

Moistetu: Et Daniel Tann nõud, mes sädus kässep; nink sädus kässep ka, et eggal üttel teenjal olgo pass liggi, mes Daniel Tann´il es olle.

Otsus: Jääp Peter Sing palga masmissest prii Daniel Tann´ile ja Peter Sing ei woi ka temma käest middagi nõuda, sest et mõllembilt poolt piddiwa sis warsti kaibama, kui asja algus olli.

Kohtokäüjile otsus ette loetu, suremba kohto käümisse sädus § 772, 774 n. 774 perra kulutedu. -

                     Kohtowannemb, J Pihho

                      Kohtomees, Johann Keerd  XXX

                      Kohtomees, Karel Kooskora  XXX

                               Kirjotaja, J Käis

Peter Sing protokoll wälja sanu sel 15al septembril s.a.