Wanna Koiola koggokonna kohtun Wissen, sel 22 tal septembril 1875

Man olliwa kohtowannemb, Jaan Pihho

                    kohtomees, Johann Keerd

                    kohtomees, Peep Tobre

Jaan Järweots kaibap, et Peter Semm ja tem(m)a naine Ewa, Liis Lutzar ja tem(m)a poig Peter, Ewa Järweots ja Hels Wiggel tedda roppul wiel trotsnu, kui om(m)ast nidust neide elläjid wälja ajanu; neide al nim(m)etedu sõnnoga: Sitta mulk, ribba mok, nabba Jaan , padda kun, ja warras. Nink külla söötwat tedda om(m)a lihha ja leiwaga." Nõwwap et kohhus neid trahwis.

Peter Sem(m) wastutas: Minna lehma es tohhi tem(m)a wälja aija ja wiggatses tetta; nõwwa 30 rbl. nink lkehm jägo Jaan Järweots´le

Kiik ne kaiwatawa naise wastutiwa: Meije söa läts kangest täüs, kui tem(m)a meije elläjid nidust wälja pesse; sis ütlime kül nida, kui Jaan Järweots om kaiwanu."

Moistetu: Et Jaan Järweots, kui perremees neide koddapolikide elläjid om(m)ast nidust wälja aije ja om(m)a niito hoitse, - ei olle täl sugguge südi, ent neil kai-

watawil om sest suur süüd, et om(m)a lubbaga perremehhe niito södiwa ja pälegi perremeest trotsewa, mes om(m)a suuga tõtte ütliwa ollew.

Otsus: Se kõrd saap neile kulutedus, et eddespiddi ei tohhi keaki üts jalg om(m)a elläjid Jaan Järweots maa päle laske om(m)a lubbaga, kui peas se weel ette tullema; sis sawa eggaüts sädus perra trahwitus; nink nisam(m)a ei tohhi ka sõimata, - sawa ka selle ülle trahwitus sama. -

Kohtokäüjile otsus ette loetus, suremba kohto käümisse sädus § 772, 773 n. 774 perra kulutedu. -

                       Kohtowannemb, J Pihho

                       Kohtomees, Johann Keerd  XXX

                       Kohtomees, Peep Tobre  XXX

                              Kirjotaja, J. Käis

Peter Semm protokoll wälja sanu sel 23tal septembril s.a.               Kirjotaja, J. Käis