Wanna Koiola koggokonna kohtun Wissen, sel 22tal septembril 1875

Man olliwa kohtomees, Peep Tobre

                    kohtomees, Johann Keerd

                    kohtomees, Karel Kooskora

Josep Sirak kaibap, et Michel Ostra ja Peter Käis tem(m)a nido äddala ärra karjaga söötnu  

Nõwwp 3 rubl kahjo tassomisses. -

Michel Ostra ja Peter Käis wastutiwa: Meije tija sest middagi; ja Michel Ostra ütles: minna kül üts kõrd sääl käwwe, ent sääl olliwa puhta kandso takkan, nink Josepi ellaja olliwa ka ütten.

Moistetu: Et selget tunnistust ei olle, et Josep Siraki äddalat olles söödetu, nink Josepi elläja olliwa ka karjan.

Otsus: Ei sa kaibaja middagi

Kohtokäüjil otsus ette loetu, suremba kohto käümisse sädus § 772 - 774 perra kulutedu. -

               Kohtowannemb, J Pihho

               Kohtomees, Johann Keerd  XXX

               Kohtomees, Peep Tobre  XXX

                       Kirjotaja, J. Käis