Wanna Koiola koggokonna kohtun Wissen, sel 22tal septembril 1875.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Peep Tobre kaibap, et tem(m)a Johann Soe kätte allati täwwelik käsk ja tärmin andnu, et peap om(m)a walla ja krono mas ärra masma, ent Johann Soe ei olle kuulnu, nink selle ülle olla tem(m)a kihhelkonda tem(m)a perrast 6 rbl. trahwi masnu. Nõwwp om(m)a rahha tem(m)a holetusse perrast tem(m)a käest kätte ja weel tedda trahwi. -

Johann Soe wastutas: Minna olle om(m)a pärahha allati masnu, nink Peep Tobre om mulle ka käsk andnu, ent üts kõrd käwwe ka Wastsest Nursist kwitungi ots-

man, ent es sa; sest et wallawallitsus kottun es olle." -

Moistetu: Et kohtomees Peep Tobre mitto kõrd Johann Soe´le käsk andnu, et peap om(m)ale kwitung murretsema, ent Johann Soe tärmin möda lasknu, ja Peep Tobre tem(m)a holetus perrast kihhelkonda 6 rubl. trahwi masnu.

Otsus: Peap Johann Soe 6 rubl. Peep Tobrele 1 nowembris kätte masma, ja kui arwap hennel õigus ollew, sis nõutko tem(m)a se rahha Wastse Nursi walla wallit-

sus käest hennele kätte.

Kohtokäüjile otsus ette loetu, suremba kohto käümisse sädus § 772-774 perra kulutedu. -

                          Kohtowannemb, J Pihho

                          Kohtomees, Johann Keerd  XXX

                          Kohtomees, Karel Kooskora  XXX

                                Kirjotaja, J. Käis

Johann Soe protokoll wälja sanu 29tal septembril