Wanna Koiola koggokonna kohtun Wissen, sel 6tal oktobril 1875.

Man olliwa, kohtowannemb, Jaan Pihho

                     kohtomees, Johann Keerd

                     kohtomees, Karel Kooskora

/: Saije ette woetus, mes sel 22 septembril s.a. Nr 158 polele jäije:/

Tilla Friedrichson wastutas: Minna tedda sõimanu ei olle ja ka perset tälle näütanu, ent mulle ütles kül Jaan Röbing: Minna ello sinno wäitse pussakuga läbbi; nink trotsse ka min(n)o litsis." -

Jaan Röbing pand tunnistajas: Peter Wahtra, kes ka ütles mitte perse näitamist näggewat, ent Tilla olla henda kül rapputanu." - 

Moistetu: Et üttegi selget tunnistust kaibaja kui ka kaiwatawa tunnistajide poolt ei olle trotsmisse perrast

Otsus: Ei sa kumb kum(m)agi käest se kõrd middagi, ent eddespiddi peawa mõllemba kindma piiri õigus piddama; kumb ülle piri tõise ma päle puttup, massap sädus perra selle trahw, kelle kahjo tettu. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                   Kohtowannemb, J Pihho

                   Kohtomees, Johann Keerd  XXX

                   Kohtomees, Karel Kooskora

                        Kirjotaja, J. Käis