Wanna Koiola koggokonna kohtun Wissen, sel 24tal oktobril 1875

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Jaan Kurwitz tulli ette ja and ülles et tem(m)a om(m)a wannausse ja häddalisse terwisse poolest ennämb sedda maija kelle Nr 1. om, ei jõwwa pitta; nida kui nüggane Kroonu säädus nõwwap. Ja and selle maja ja maa pruukmisse õigus om(m)a parhella majan elläwa wannemba poja Michel Kurwitz kätte täämbatsel päiwal selle tingimisse all: Et Michel Kurwitz peap tedda ni kawwa, kui ta ellap, henne man piddama ja toiduse nink muud hoolt tem(m)a eest am(m)ak surma-

tunnini kandma; nink päle se peap weel Michel om(m)a kolme noremba wellele Petrele, Janile ja Adole masma. Petrele 300 rubl. Janile 150 rubl. nink Adole 

150 rublat. Ülle kige kokko 600 rublat.

Ent tüttar Ann saap sedda perrandust mes selle kottusse mehhele minneki pruuki ütte jõwwulisse maja man om olnu, kui täl se aig ette om tulnu; - nink seda annap Michel. Mes enne sedda üllewel nim(m)itet päiwa Jaan Kurwitza lastest sest majast wälja om(m)a lännu, neil ei olle ennämb üttegi perrimise nõudmisse õigust. -

Nink liikumata warrandussest annap Michel Kurwitz om(m)a kolme een nim(m)itet wellele eggale üttele ütte surune ossa, nink tälle jääp sest sam(m)ast warrast neljas ossa. Kui eddimanne jaggo wälja om üttele antu, sis sawa ka tõise kui neil tarwis wälja minnek om sesam(m)a surus ehk paljus sest warrast; nida et egga üts üttewõrra saap, kui nem(m)a täüs ealisses om(m)a saanu, ehk kui nem(m)a majast ärra lahkuwa; ent üttel aastal ei woi mitte kats welja om(m)a rahha ehk warrandusse jakko wälja nõuda, enge üts ennegi kõrraga, nink se kes jaggo wälja nõwwap, et ärra lääp, peap enne aastaig ette Michel Kurwitzale ülles kulutama, et täl sedda tarwis. Ent kui welle sõnna ei tahha kuulda ja majan tööd tetta, nida kui tarwis; sis woip ka Michel Kurwitz kui neide ülle wallitseja, sellel jaggo wälja anda ja tedda hendast ärra lahhotada. 

Sellega mõllemba rahho ja kinnitawa sedda om(m)a nim(m)e kirjotamisse ehk risti tõmbamisse läbbi

Maja ja maa andja Jaan Kurwitz  XXX

    "    "      "   wastawõtja: Mihkel Kurwitz

                 Kohtowannemb, J Pihho

                 Kohtomees, Johann Keerd  XXX

                 Kohtomees, Karel Kooskora  XXX

                 Wallawannemb, S. Härms

                               Kirjotaja, J. Käis