Wanna Koiola koggokonna kohtun Wissen, sel 11nel nowembril 1875.

Man olliwa kohtowannemb, Jaan Pihho

                   kohtomees, Johann Keerd

                   kohtomees, Karel Kooskora

Ette tulli Tilsi-tallo Nr 39da Akti piddaja ja perrandaja Ann Hurt om(m)a eestsaisja Peter Oina ja Michel Warres´ka, nink lubbasiwa se koddapoliko plats, mes ülle jõe wessi-weski man ja selle nim(m)itedu maja perra Akti pääl üllewan;  - klupetside perra, ütten tükkin, olgo, põllo-, haina, ehk muu -maa; - Jakob Hurt´le  iggawes ja iggawes tem(m)a suggule perrises, kon ka tem(m)a maja pääl saisap, mes Peter Moisto käest hennele enne mõnni aasta taggasi olli ostnu. Nink Jakob Hurt peap se maa eest egga aasta 1 rubl. 50 kop./üts rubla wiisküm(m)end kopkat/ tallo Nr 39da rendi külge katten terminin masma; 75 kopkat kewwaja ja 75 kopkat süggise, sis kui egga perremees om(m)a renti massap. Kui Krono poolt peas muid massa päle pantama, peap ka wastu pannemata  sedda täütma, om(m)a krondi surusse perra. Wimate, kui tallo Nr 39. peas ostmisse alla wõetama, sis peap Jakob Hurt ka seddasam(m)a wiisi teggema, nink rendi surus perra pro-

zente masma tallo külge; 

Lõppetussen ütteld, ei wõi tallo sedda nim(m)itet ma tükki konnagi henda külge perrida, mes ütskõrd neist om lubbatu, kes al pool, (kohtomehhe mahha arwat,) sedda om(m)a käega om(m)a kinnitanu risti tõmbamisse läbbi. -

Maa  lubbaja kaddonu Johani naine An Hurt  XXX

                       tem(m)a eestsaisja Peter Oina  XXX

                        ja   wöörmöndre Michel Warres  XXX

Maa wastawõtja Jakob Hurt  XXX

                  Kohtowannemb, J Pihho

                  Kohtomees, Johann Keerd  XXX

                  Kohtomees, Jarel Kooskora  XXX

                          Kirjotaja, H. Käis