Wanna Koiola koggokonna kohtun Wissen, sel 11nel nowembril 1875

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Peter Kopli kaibap Peter Wäisweer päle, et tem(m)a nüüd tunnistajide läbbi teda saanu, et Peter Wäisweer käen tem(m)a käest minnewa aastatse warrastedu rõiwa olla. Nõwwp neid eest 25 rbl ja wargale kohto trahwi. -

Peter Wäisweer wastutas:"Minna osti ne rõiwa Jani päiwa laadelt 13 1/2 rubl eest.

Peter Warres and tunnistust:"Ne rõiwa ei olle mitte ne, kedda minna Peter Wäiswerel Taiwaskoa al kontzerti pääl säljan näije." -

Johann Lõiwokenne and tunnistusta:"Näggemisse perra woisewa ne pöksi täl kül jallan olla Wõnno kerriko mattusse pühhal, ent käega minna neid es kobbi. Kui minna sedda näije, sis küsse mes maswa kokko: west, särk ja püksi, olli tem(m)alt wastus: 8 rublat." -

Johann Jäger, Johann Käis ja Jaan Kiisk anniwa tunnistust üttewiisi: Et ne rõiwa ei olle mitte Peter Wäisweer säljan Taiwaskoa al olnu, mes siin kohto kappin hoijo al olliwa; enge koggoni tõise; kellel pael ümbre olli." -

"Peter Wäisweer ütles hendal mitte tõisi rõiwid ollewatki." -

Moistetu: Et Peter Wäisweer ne rõiwa eest ärra paot, mes täl wie tunnistaja wälja üttelus perra säljan olliwa nink hennele tõise assemele telle ja ka tokõrd ked-

dagi ei olle man olnu, kui ta neid ütles Wõrro turru päält lade aiga ostwat, sis om nätta, et Peter Wäisweer neist rõiwist puhhas ei olle, mes arwata warga käest hennele wasta om wõtnu.

Otsus: Kui Peter Wäisweer warrast ülles ei anna, kelle käest käen ollewa rõiwa saanu ehk ostnu, sis massap 10 rubl Peter Koplile, ent kui ülles annap, sis jääp tem(m)a sest rahha masmissest prii. Rahha peap sis mastus sama, kui Peter Kopli nekrudis ärra lääp. 

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                    Kohtowannemb, J Pihho

                    Kohtomees, Johann Keerd  XXX

                    Kohtomees, Karel Kooskora  XXX

                              Kirjotaja, J. Käis

Peter Kopli protokoll wälja sanu sel 12 nowembril s.a.