Wanna Koiola koggokonna kohtun Wissen, sel 20nel nowembril 1875

Man olliwa kohtowannemb, Jaan Pihho

                   kohtomees, Johann Keerd

                   kohtomees, Karel Kooskora

Mihkel Lillo, kes mõts krundi päle wälja lännu, nõwwap Michel Tebbo käest sest majast, mes näil seni ajani üttine olli; - pool, kas rahha masmisse, ehk poles maja jaotamisse läbbi.

Michel Tebbo wastutas:"Minna sest majast jaggo ei anna, sest et 25 aastat taggasi tem(m)a em(m)a maja ärra pallotas.

Moistetu: Katsküm(m)end wiis aastat taggasi, kui assi woise sündida, piddi se üllesandja kaibaja, ent sest ei sa nüüd kuultus; - enge et nem(m)a sedda maija ütte om(m)a piddanu ja hoolitsenu; sis saap poles arwatus üttine, ent kõrwmatse hoone jäwa sellele, kes neid seni ajani hende tarbis om tarwitanu. Ent wannemb perremees pan(n)ep piir, kumba poolt Michel Lillo wõttap hendale ja tõine pool jääp tälle. 

Otsus: Se üllewatse arwamisse perra saap maja seddawisi poles arwatus, tarre jääp tõisele, nink tarreallone kige jakkudega ja wärrajidega jälle tõisele nink ka kattus ütten; ent Michel Tebbo peap poles arwama, nink Michel Lillo wõttap eetsmalt kumba poolt tem(m)a arwap hennele, ütte am(m)etimehhe mann ollen. Poles nim(m)itaminne peap 14 päiwa sissen ärra tettu; nink perrast Michel Lillo ei sa enne om(m)a jakko kätte, kui 23 aprilil 1876 aastal; ent erralikkult peap tähhele pandma: Et ne ehhitusse, mes Michel Lillo ei sa hendaga , ni kui krawi, kaiwo, linna läppü, keldre ja kooba, hendaga ütten ärra wija; massap se neide eest wälja kelle krundi sisse jäänu om(m)a, kohto takserimisse perra. Michel Lillo sellega rahho.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                            Kohtowannemb, J Pihho

                            Kohtomees, Johann Keerd  XXX

                            Kohtomees, Karel Kooskora  XXX

                                   Kirjotaja, J. Käis