Wanna Koiola koggokonna kohtun Wissen, sel 20nel nowembril 1875

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

/: Saije ette woetus, mes  sel 11nel nowembril s.a. Nr 189 polele jäije:/

Peter  Norring and tunnistust:"Minna tulli ilda Põlwast kerriko tööst koddo, nink näije: Et Peter Hindrekson, Karel ja Peter Härms, Michel Ostra usaian olliwa nõu piddamissel, kella 10ne aigo õddango, ent sedda ei tija, mes sääl kõneliwa." -

Michel Ostra and tunnistust:"Peter Hindrekson ütles perrast minno wasta":"Minna anni Johann Jäger´le kolm hoopi pähha roodjaga, et saije, ent kahjo, - et roodjas kolmes katski läts ja käest otsa lõppi." -

Jaan Juks kaibap selle asja sissen: Et tem(m)a naine olla töl ööl kolm kõrd kiwwiga löödus saanu, ent sedda ei tija, kes öö-pim(m)endussen sedda tennu.Pand tunnistajas Karel Härms, kes ka nännu; kes tunnistas se kaibus tõtte ollew, ent es ütle teedwat, kes olla wissanu, nink ütles henda ka sääl ollew." -

Michel Kurwitz kaibas; Et Jaan Juks olla tedda sure tee pääl pesnu sel kõrral ja nõwwap 50 rbl. om(m)a pesmisse eest." Pand tunnistajas : Peter Juks, Johann Häm(m)alane, Hindrek Hindrekson, Michel Konna, Ann Häm(m)älane, Jaan Kiisk, Peter Wäisweer ja Michel Juks, kes ka sest asjast woiwa selletust anda.

Jaan Kiisk ütles, minna küllan es olle, enge mulle kõnneli Jaan Hindrekson, et Peter Hindrekson olla ka tedda tokõrd külla kutsnu, ent Jaan Hindrekson olla wasta kostnu: Kae minna ei lä." -

Josep Sell and tunnistust: Et Johann Jäger olla Peter Hindreksonile ratta tellega löönu, mes tälle essi olla kõnnelnu.

Selle wasta wastutas Johann Jäger: Minna Josep Sell´ile middagi kõnnelnu ei olle se om tühhi lorri. Selle ülle om ta jo üts kõrd wõlsi wandnu." -

Ent ainult om tarwis: Et Johann ja An Hämmalane saas weel perra küssitus, kas ka Peter Hindrekson om Johann Jäger´it ja tõisi poisa om(m)a kam(m)enduga takkan otsnu.  Jääp polele