Marri Antsi kaipas et Jaan Treiss, Wastse Anzmõisa walla mees, temmaga om lihhalikkult henda segganu, nink et temma Jaan Treissiga ütsinda sedda Pordo ello om ellänu. Marri Antsi kaipas ka, et Jaan Treiss tedda om pesnu. 

Jaan Treiss astus kohto ette nink temmale om se Marri Antsi kaipus ette loetu. Selle päle kostis Jaan Treiss: "Minna ei olle kunnagi Marri Antsiga henda lihhalikkult segganu nink Pordo ello ellanu, ei ka temma man magganu, se om kül õigus, et minna Marri Antsit tahtse lüwwa, enge löönu ei olle minna tedda."

Tunnistaja Andrus Hommuk astus kohto ette nink andse nidate tunnistust: "Jaan Treiss tulli pea egga õddakult ikkes Marri Antsi manno, nink maggas ka pea kik öö Marri man. Muud ei tija minna ennamb tunnistada."

Tunnistaja Juli Kubbi andse tunnistust, et temma Marri Antsi nink Jaan Treissi ütten maggamissest middake ei tija, ja ei olle ka nännü.

Tunnistaja Juli Peter ei olle ka middake nännü ei ka kuuldnu. 

Tunnistaja Samul Puusep tunnistas, et temma Marri Antsi pesmist ei olle nännü. 

Tunnistaja Karl Makstin tunnistas et temma Marri pesmist, ei ka Jaan Treissi Marri man maggamist ei olle nännu. 

Tunnistaja Kusta Kribi tunnistas et temma Marri pesmist ei olle nännu, muud kui üts kõrd näggi minna kui Jaan Karri, Widrike walla mees Marri Antsi man maggasi. 

Otsust ei wõi täämba weel antus sada, sest et kik tunnistaja ei olle weel ülle kulleldu. 

Päkohtomees Märt Lüüs XXX

Kohtomees Jaan Reiljan XXX

  "  Sahkri Pik XXX

  "  Ado Puusep XXX

  "  Karl Wallner XXX