Jaan Antoni wõlla selletus mitme töö meeste palka masmisse perrast:

Isak Iwwask nõuwap Jaan Antoni käest 12 päiwa töö palka, egga päiw 40 Kop, üttekokko 4 Rbl. 80 Kop. Sedda ütlep Jaan Anton õige ollewat, nink om Isak Iwwaskile täämba se rahha ärrä masnu. 

Johann Warblane nõuwap Jaan Antoni käest 30 Rbl. 40 Kop. 

Jaan Anton selletas, et Johann Warblane temma käest om sanu: 1 wak rükki, se om 3 Rubla, ja 5 Rublat selget rahha, üttekokko 8 Rbl.  Sedda tunnistap Johann Warblane kätte sanu ollewat. Sis ei olle Johann Warblassel ennamb Jaan Antoni käest ütteki wõlla nõudmist. 

Karl Liebert nõuwap Jaan Antoni käest 9 2/3 päiwa palka 'a 50 Kop. üttekokko 4 Rbl. 75 Kopkat:

Jaan Anton om Karl Libertile 3 Rubla selget rahha ärrä masnu, 1 Rbl. 75 Kop. ei massa Jaan Anton selleperrast ärrä, et se kattusse töö olli halwaste tettu olnu, ja pidda saama ümbre tettus. 

Rein Woltin nõuwap Jaan Antoni käest 9 päiwa töö eest palka 'a 50 kopkat - üttekokko 4 Rbl. 50 Kop.

Jaan Anton om Rein Woltinile ärrä masnu 2 Rbl. selget rahha, nink se 2 Rbl. 50 Kop. ei massa Jaan Anton mitte wälja, selleperrast et se kattusse töö mes Rein Woltin om tennu, om ümbre tettu. 

Päkohtomees Märt Lüüs XXX

Kohtomees Jaan Reiljan XXX

  "  Sahkri Pik XXX

  "  Ado Puusep XXX

  "  Karl Wallner XXX