Wanbna Koiola koggokonna kohtun Wissen, sel 1sel dezembril 1875

Man olliwa kohtowannemb, Jaan Pihho

                   kohtomees, Johann Keerd

                   kohtomees, Karel Kooskora

/: Saije ette woetus, mes sel 20nel nowembril s.a. Nr 193 polele jäije:/

Peter Wäisweer and tunnistust: Johann Jäger üttel minno wasta, minna anni Peter Hindreksonile ratta tellega, et kübbena were mahha sattewa." -

Johann Häm(m)alane üttel:"Minna neide poisa kakkelus kramits middagi ei tija." -

An Häm(m)alane and tunnistust:"Tol sam(m)al ööl, kui perrast kakkelus olli olnu, sis tulli Peter Hindrekson minno maggaus usse manno ja küsse minno käest usse takkan:"Kas hoora poig sissen om?  Ent minna ütli wasta: Min(n)o mann ei olle keddagi." -

Peter Juks and tunnistust:" Minna wirgo maggamisse päält ülles ja lätsi kaema; sis kuuli, et Peter Hindrekson, Johann Jägerit hoora pojas sõimas ja perrast ka tälle sure tee pääl roodjaga pähha leije, ent wasta lömist min(n)a kül es näe; nink Jaan Juks kui perremees leije jälle Michel Kurwitzale." -

Katre Juks ütles: Minna lätsi kül wälja om(m)a mehhele appi; ent wöörussen saije Johann Jäger ja Johann Hindrekson käest 1 kõrd kiwwiga lödus. Nink nisam(m)a ka minno mehhe welli Peter Juks leije mulle nuiaga olla päle

Jakob Rettel ja Michel Sell anniwa seddasam(m)a wisi tunnistust nida kui sel 16nel junil s.a. Nr 81 al protokollin üllewan saisap; konna neile otsus jo eesmalt saije antus."

Peter Hindrekson, kui kaibaja ja tunnistaja Hindrek Hindrekson ja Michel Juks ei olle täämba ette tulnu, jääp polele.