Wanna Koiola koggokona kohtun Wissen, sel 16sel dezembril 1875.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Perri wallast Josep Krebs näitas wõlla kirri ette, kos päle kirjotedu et Jaan Tebbo tem(m)a käest 32 rbl lainanu 25 oktobrini s.a. Nüüd 10 rbl. rbl. ärra mastu ja 22 rbl. weel saamata; nõwwap sedda kätte.

Jaan Tebbo wastutas:"Minnol ei olle minkisuggust warrandust; kost warsti woi massa; Nüüd ilda massi Karel Kohlerile 40 rbl, mes kohhus selgede tijap. Min(n)a massa eddespiddi, kui ma rahha teeni, se 22 rbl. tälle illosaste kätte. Selle rahha protzentis anni minna Josep Krebs´le 3me mõdu alla linna maad, mes aasta palgas saije essa käest . - 

Josep Krebs wastutas: Tem(m)a and kül mulle se nim(m)itet linna ma; ent et meije häämehhe ollime; sis kässi täl ärra kakku,  seperrast et linna olli hukka lännu, perremetsel aastal, ent eddimatse aasta, kui linna hä olli, kakki minna essi. -

Mõistetu: Nätta om, et Josep Krebs kallis prozent 32 rubl. rahha päle om wõtnu, mes wõlla kirja pääl sugguge ei olle ülles tähhendetu; ent siski peap Jaan Tebbo sel 25tal oktobril 1876 22 rbl. Josep Krebs´le, ent ärra masma ilma prozentita. -

Kohtokäüjile otsus ette kulutedu suremba kohto käümisse § 772, 773 n. 774. sädus perra. -

                      Kohtowannemb, J Pihho

                      Kohtomees, Johann Keerd  XXX

                      Kohtomees, Karel Kooskora  XXX

Josep Krebs protokoll wälja sanu sel 17nel dezembril.