Wanna Koiola koggokonna kohtun Wissen, sel 16nel dezembril 1875.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

/: Saije ette woetus, mes sel 1sel dezembril s.a.  Nr 198 polele jäije:/ -

Hindrek Hindrekson and tunnistust:"Minna ei tija neide asjast kige wähhemb middagi." -

Moistetu: Kiik tunnistusse, mes kaibaja Peter Hindrekson ja kaiwatawide Johann Jäger ja Michel Kurwitza poolt omma kuultu, nim(m)elt: Peter Wäisweer ja Josep Sell, kaibaja: Peter Hindrekson poolt, - sawa tühjas arwatus; sest et nem(m)a essi om(m)a silmaga ei olle nännü, ei ka kuulnu, - enge kõnneldu juttu perra tunistanu. Nisam(m)a sawa ka Johann Jäger ja Michel Kurwitz poolt pantu tunnistaja nim(m)elt: Michel Ostra tunnistus tühjas arwatus, sest et om(m)a silmaga ei olle nännu; enge ennegi kaibaja Peter Hindrekson henda käest kuulnu, Et Johann Jäger´le tem(m)a kitnu henda lönut. - Peter Norring tunistus saap poles tun-

nistusses arwatus;et Peter Hindrekson tõistega öse nõu piddamisse ja mitte külla Jaan Juks pole minneki pääl es olle. - Selle manno saap poles tunnistajas Ann Häm(m)alane arwatus, et Peter Hindrekson öse ka tem(m)a maggause manno lännu ja hoora poiga takkan otsnu, kes õige nim(m)ega: Johann Jäger om.

Täwwes tunnistajas saap arwatus Peter Sell, kes säälsam(m)an majan elläp, kon kottal tee pääl kakkelus olli. Ja ka Johann Hindrekson, nink Peter Juks, kes kiik om(m)a silmaga om(m)a nännü. Et ka tunistusi alealitselt om, kes nida sam(m)a tunnistawa, kui eddimatse protokolli jobba ülles neide tunnistus kirjotedu om. -

Moistminne saap sest ennitsest moistmissest mes sel 16nel junil s.a. Nr 81 al protokollin saisap, - mudetus. - Seperrast; et täwwemba tunnistusse om(m)a sanu. 

1, Et Peter Hindrekson om Johann Jägerit sel kakkelus ööl takkan otsnu ja 

2, Om Om(m)a sõssaremehhe Jaan Juks hennele sure tee pääl appi kutsnu, tõisi pesma. -

Otsus: Massap Peter Hindrekson Johann Jägerile roodjaga kolme kange lögi eest 15 rbl. hallo rahhas ja istup 3 ööd päiwa siin koggokonna kohto türmin. Ent Jaan Juks, kes Michel Kurwitzat pesse massap 10 rbl. hallo rahhas Michel Kurwitzale ja istup 2 ööd päiwa türmin. Wiimselt Jaan Juks´i naise kiwwiga pesmisse ülle ei olle tunnistust, jääp hallo rahhast ilma. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu.

                      Kohtowannemb, J Pihho

                       Kohtomees, Johann keerd  XXX

                       Kohtomees, Karel Kooskora  XXX

                               Kirjotaja, J. Käis

Kaibaja kui ka kaiwatawa ei olle rahho ja protokoll lubbatu. -

Peter Hindrekson protokoll wälja sanu sel 19 dezembil.