Wanna Koiola koggokonna kohtun Wissen, sel 5tal januaril 1876.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

/: Saije ette woetus, mes sel 16nel dezembril 1875 Nr 201. polele jäije:/ -

Peter Hum(m)a and weeltunnistust:"Marri Hirmu kuts minno appi, ent tokõrd es olle mul wõimalik, ent tõisel päiwal lätsi min(n)a ja lõime ne haina kuhja, kui tem(m)a pääl olli ja minna anni tälle kätte; ent ne haina olliwa Marri Hirmu perralt."

Marri Hirmu om(m)a eestsaisja Jaan Sabbrega wastutas:"Minna löisi ne haina paio puhma takkast nink essi teije ka manno, nink keaki es otsi neid takkan, sis kutsi Peter Hum(m)a ka appi, nink löie ne puhma takkast löitu ja om(m)a tettu haina ütte kuhja Peter Hum(m)a abbiga."

Jakob Sainas and tunnistust: Minna näie, et Marri Hirmu wõt Johann Black haina kuhja loojide käest wigla, nink läts mõtsa neid haino kuhja looma, perrast lätsi kaema et haina olliwa kuhja loodu, nink min(n)a tõije wigla henda pole, mes sin(n)a olli jättet, nink om parhella minno pool." -

Moistetu: Et Marri Hirmu om(m)a eestsaisja Jaan Sabbrega om essi sedda tõttes tennu, et tem(m)a ne haina tõise abbiga om kuhja loonu, mes ütles löüdnu ollew ja sis ülles es anna om(m)a perremehhele, kui katte kohtomehhega saie takkan otsitus.

Otsus: Massap Marri Hirmu 3 rbl. Joh. Black´le haina laotamisse kahjus ja istup 2 ööd päiwa siin Wisse kohtomaja türmin kinni 14 päiwa sissen.

Kohtokäüjile otsus ette loetu, suremba kohtokäümisse sädüs § 772, 773 n. 774 perra kulutedu. -

                   Kohtowannemb, J Pihho

                   Kohtomees, Johann Keerd  XXX

                   Kohtomees, Karel Kooskora  XXX

                           Kirjotaja, J. Käis