Wanna Koiola koggokonna kohtun Wissen, sel 5tal januaril 1876.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Michel Kurwitz kaibap, et tem(m)a lepnu Johann Lõiwokenne manno treimisse  am(m)etit opma sel 10tal nowembril; nüüd 11 päiwa perrast tedda wallale tennü, nõwwap palka ja moona 

Johann Lõiwokenne wastutas:"Selle perrast lassi minna tem(m)a ärra, et tööd es tee, kui muid keddagi olli, sis olli pibutõmbaminne ja om(m)a pääd tallitamin-

ne, nink es kule ka sugguge sõnna. Leppit olli, et kui middagi neist eennim(m)itedu asjust ette tulle, sis woi allati minna tedda henda mant ärra laske.

Kohtomees Johann Keerd, kes ka leppingo man ütles ollew, tõendas Joh. Lõiwokenne wastutamisse tõtte ollew."

Moistetu: Et Michel Kurwitz ütte täwwe perremehhe mant wäggise henda wallale kiskse ja ütte nisuggutse manno henda lepse, kes nisam(m)a suggune lüwa- teenja, kui tem(m)a essike om. Nink neide lepping olla ka kohtomehhe man ollen tettü, et kui sõn(n)a ei kuule, woip jallamaid wallale tetta."

Otsus. Ei olle kummalgi kum(m)a käest nõudmist, sest et palka es olle leppit; nink sõnna ka es kuule, enge Johann Lõiwkenne jääp kaibussest sekõrd prii. -

Kohtokäüjile otsus ette loetu, suremba kohtokäümisse sädus § 772, 773 n. 774 pera kulutedu.

                     Kohtowannemb, J Pihho

                     Kohtomees, Johann Keerd XXX

                     Kohtomees, Karel Kooskora  XXX

                         Kirjotaja, J. Käis