Wanna Koiola koggokonna kohtun Wissen, sel 19tal januaril 1876.

Man olliwa kohtowannemb, Jaan Pihho

                   kohtomees, Johann Keerd

          abbi kohtomees, Michel Kurwitz

/: Saije ette woetus, mes sel 11nel nowembril 1875 Nr 190 polele jäije:/

Otto Mattison olla kohtowannemba J. Pihho wasta üttelnu: Mulle ei puttu neide assi middagi, minna anni om(m)a leppit ma Joh. Meier´le, ent mitte Joh. Tiir-

mann´ le;" tekko nem(m)a om(m)a rio asjaga, mes nem(m)a essi tahtwa." -

Johann Meier pand süüs:"Et Johann Tiirmann olla enne aigo tem(m)a mant ärra lännu ja leppit aig polele jätnu." -

Johann Tiirmann pand tunnistajas kohtowannemba J. Pihho selle asja ülle, ärra minnemisse perrast: J. Pihho and tunnistust: Selle 1 1/2 ruutsülle pääl, kos Johann Meier, Johann Tiirmanni olli elläma wõtnu 14 hengega, es olle mitte woimalik neil katte keske talwe korterit piddada; selleperrast anni minna Joh. Tiirmannil lubba säält ärra minna. -

Nink et Joh. Tiirmann neist talwe talwe röadest jakko es sa, tija minna; ent sedda tija kül: Et Johann Meier 3 kuud ja 3 näddalit suwwel muial tööl olli; ent sedda ei tija kuis neil henda waiel leppit olli; nink Joh. Tiirmann teggi kiik suwwi om(m)a naisega töö, mes ette tulli." -

Moistetu: Et se awwalik, et Joh. Meier Johann Tiirmanni pole tera päle om wõtnu, ent poolt terra ei olle tälle andnu nink ette näütet rügga Joh. Erm´le töö palga eest andnu; nink talwe korter om ka ni suggune kitsas, kon kokko 14 henge konnagi luhwti ja ruumi perast ei woi terwise man olla. -

Otsus: Massap Johann Meier, Johann Tiirmann´le 15 rubl ja tem(m)a naisele 10 rbl. suwwe töö teggemisse n. korteri eest 14 päiwa sissen wälja, nink päle se om(m)a tõine tõisest wallale. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                   Kohtowannemb, J Pihho

                   Kohtomees, Johann Keerd  XXX

          abbi kohtomees, Michel Kurwitz  XXX

                       Kirjotaja, J. Käis

Johann Tiirmann ei olle sellega rahho; ent Johann Meier om rahho

Protokoll mõllembile lubbatu. 

Johann Tiirmann protokoll wälja sanu sel 24 januaril s.a.