Wanna Koiola koggokonna kohtun Wissen, sel 3tal webruaril 1876.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Johann Lutzar kaibap Holwandi Kolga perremeeste: Michel Sau, Michel Holwandus, Samo Kopli, Peter Sau ja Jaan Kolts päle, et neide rügga olle om(m)a tem(m)a wastse krundi sisse tulnu ja ei luppa neil kellelgi tetta laskse

Ne nim(m)itedu perremehhe wastutiwa:: Meije pannime sitta ja olleme ka kündnu om(m)a sittama rügga olle; nink tahhame sitta päält kats wilja wõtta, ni kui wallan suremb jaggo sawa teggema, leppingide perra." -

Johann Lutzar wastutas:"Kui mul wähhemb olles sis minna es keelas; ent selle perrast, et minno nurm ennämbüsi kinni jääp; sis ei woi minna mitte lubbada. - Sest neil nim(m)itedu peremehhil om kokko 16 wakka ma röa kõrt minno wastse krundi pääl." -

Moistetu: Et Johann Lutzari wastse krundi päle muide perremeeste rügga olli ennämbüsi om(m)a johtunu; sis kaotawa egga perremees pool om(m)a sitta maa rüggaolle surust henda käest Joh. Lutzar kätte; ent pool woip egga perremees hendale tetta; nink wastse maa päält wõttap eggaüts kats wilja, nink sis jääp wastse krundi om(m)anikku kätte pruuki; nink mõtsma, kohe sitt om pantu, teggewa eggaüts täwweste; nink kessi ei tohhi puttu. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                       Kohtowannemb, J Pihho

                       Kohtomees, Johann Keerd  XXX

                       Kohtomees, Karel Kooskora  XXX

                               Kirjotaja, J. Käis

Kiik Holwandi Kolga perremehhe ei olle rahhu; nink Jaan Kolts protokoll neide kiki nim(m)el sel 9tal webruaril s.a. wälja sanu. -   J. Käis