Wanna Koiola koggokonna kohtun Wissen, sel 3tal januaril 1876.

Man olliwa kohtowannemb, Jaan Pihho

                   kohtomees, Johann Keerd

                   kohtomees, Karel Kooskora

Johann Meier kaibap Johann Tiirmann päle, et tem(m)a andnu tälle rahha ja muud krami mitmen terminin, mes ülle kige puht rahha perra wälja teep 40 rbl 37 kop. nõwwap sedda kätte. -

Johann Tiirmann wastutas:"Mul ei olle tälle kopkatki massa; enge tem(m)a om mulle 9 rbl wõlgu; nõwwa sedda kätte sada." -

Johann Meier wastutas:"Se om puhhas wõls, mul ei olle tälle kopkatki massa, enge maske minno wõlg; sis olle rahhu." -

Moistetu: Et kum(m)altki poolt tunnistust ei olle; enge tõine ütlep mul om ni paljo ja tõine jälle, mul ni paljo tem(m)a käest sada; ent kumbgi ei ütle sedda õige ollew

Otsus: Ei sa kaibaja middagi

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu

                      Kohtowannemb, J Pihho

                      Kohtomees, Johann Keerd  XXX

                      Kohtomees, Karel Kooskora  XXX

                              Kirjotaja, J. Käis

Johann Meier protokoll wälja sanu sel 9tal webr. s.a.