Wanna Koiola koggokonna kohtun Wissen, sel 3tal webruaril 1876.

Man olliwa kohtowannemb, Jaan Pihho

                   kohtomees, Johann Keerd

                   kohtomees, Karel Kooskora

Michel Kattai kaibap, et tem(m)a sõproga om koon olnu ja perrast henda purju joonu, nink purjun ollen olla kõrtsimees Andres Moisto tedda hirmsast ärra pesnu, mes tem(m)a muide käest perrast teda saanu, ent essi ei olle tem(m)a middagi teednu. Nõwwap hennele ja naisele moona. -

Andres Moisto wastutas:"Jaan Andreimann ja Jaan Lutz olliwa purjun, ent Michel Kattai es olle mitte purjun, nink Jaan Andreimann ja Jaan Lutz jallast tõmmas Michel Kattai saapa ärra, nink tahtse neid ärra warrastada; nink se olli edde kõrtsin, kos pim(m)e olli. Nink minna lätsi wälja ja tahhi sapit käest ärra wõtta, sis leije tem(m)a mulle rindo nink minna leije ka tälle wasta." -

Michel Kattai pand tunnistajas: Peep Tobre, Johann Leis, Josep Kurwitz, Karel  Kooskora, Jaan Keerd ja Jaan Hindrekson

Peep Tobre and tunnistust: Minna tulli Werrolt sis olliwa ne nim(m)itedu kolme keske purjun ja kõrtsimees lask neid wälja witta, kon perrast lärm sapa wargus perast tõssi, nink sis läts kõrtsimees wälja ja löis et Michel Kattai käen saapa olliwa mes wist tõiste jallust olli mahha tõmmanu, sis leije kõrtsimees kül saapa serega tälle. Se olli kella 11ne wai 12 aigo öse." -

Sedda sam(m)a tunnistust and ka Karel Kooskora, kes kohtomees, nida kui Peep Tobregi." -

Johann Kurwitz and tunnistust:"Min(n)a kuli sedda, et wist Jaan Hindrekson tedda kül wäljan rosaga pesse, en(n)ämb ei tija." -

Josep Kurwitz and tunnistust:"Minna kuli kui Andres Moisto minno wasta üttel " Et minna pessi tedda sapaga ni paljo kui jõuse ja perrast ka ütte nuiaga." -

Jaan Andreimann ja Jaan Lutz ette tallitada  jääp polele. -