Wanna Koiola koggokonna kohtun Wissen, sel 3tal webruaril 1876

Man olliwa kohtowannemb, Jaan Pihho

                   kohtomees, Johann Keerd

                   kohtomees, Karel Kooskora

Johann Kurwitz kaibap, et Peter Sell tem(m)a mõtsast 12 peddajat om(m)a lubbaga raggonu, nõwwap tolli päält 40 kopkat; mes ülle kige 38 rbl. 40 kop. wälja teep. -

Peter Sell and wastust:"Mulle and Hans Andreimann lubba om(m)a jao päält rakko, kost ka ne kattessa peddajt tõije, ent Johann Kurwitza jao päält ei olle minna mitte üts raggonu." -

Johann Kurwitz pand tunnistajas Josep Kurwitz, kes ülle kaenu ja Peter Tolk, kes raggomist nännü." -

Wöörmöndre Josep Kurwitz and tunnistust, nink üttel: Et Hans Andreimanni jao pääl ei ollegi peddajid raggoda; nink ne om(m)a Johann Kurwitz jao päält raotu; ja Hans Andreimann üttel minno wasta, et minna Peter Sellile säält sugguge es luppa, kost ta olli raggonu." -

Moistetu: Seperrast et se üts koggemata assi om olnu; nink Peter Sell ei olle mitte melega sedda kurja tennu;

Otsus: Siski massap puu hinnas, kattessa tükki päält, mes om(m)a suga ülles tunnistas, kokko 4 rbl. 14 päiwa sissen Johann Kurwitzale wälja. 

Kohtokäüjile otsus ette loetu, suremba kohtokäümisse sädus § 772, 773 n, 774 perra kulutedu. -

                     Kohtowannemb, J Pihho

                     Kohtomees, Johann Keerd  XXX

                     Kohtomees, Karel Kooskora  XXX

                          Kirjotaja, J. Käis