Wanna Koiola koggokonna kohtun Wissen, sel 9tal webruaril 1876.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Peter Lutzar kaibap om(m)a näitsiko Ann Kolk ja Perriwalla tüdriko Ann Nabbal päle; langa wargus perrast. Ann Kolk lännü Werro küündle päiwa ladele, sis om Perri wallan Ann Nabbal pole öses jäänu, kost ladele olles lännü; ent sääl om Ann Nabba wannemba tälle nõwwo andnu üttelden: Minge tooge neide tütre Ann Nabbalga minno linnatse langa ärra; selle päle andnuwa minno tüdrikole wõra rõiwa sälga ja tulnuwa kella 11ne aigo öse minno lango warrastama taggasi, mes päält minna ka neid kinni saije, kui 30 naela lango lauda tade olli widu; nõwwa 40 rbl. langa kahjus ja päle weel trahwi. -

Ann Kolk om(m)a essa Hans Kolk´ka wastutas:"Minna es olles sugguge taggasi tulnu om(m)a perremehhe lango warrastama, kui Ann Nabbal wannemba min(n)o takkast es olles kihhotanu ja mulle om(m)a rõiwid sälga andnu, nink om(m)a tüttärd ütten."

Ann Nabbal om(m)a welle Jaan Nabbal´ga wastutas:"Minna tulli kül Ann Kolk´ka öse ütten, Peter Lutzari pole, ent lango minno kätte es sa, et kül Lutzar minno ka kinni wõt, kost perrast ärra paggesi." -

Peter Lutzar ütles: Jaan Käis wõt kül tem(m)a kinni wersta takkast paggemisse päält, ent tem(m)a paggesi siiski kottust ärra, kui om(m)a kaska ja wöö rihma minno pole jätte." -

Ann Nabbal wastutas:"Minna muido kinni ei jä, kui kohhus ei panne

Peter Lutzar om en(n)e kohtu otsust Ann Kolk´le andis andnu; ent Ann Nabbal ülle pallep kohut otsust anda. -

Moistetu: Et Ann Nabbal om(m)a eest saisja Jaan Nabbal´ga wastutiwa, et nem(m)a lännuwa rahha otsma taggasi ja mitte lango wargile; konna se konnagi õige ei olle; sest et Peter Lutzari poolt ärra paggesi ja wersta takkast saije taggasi toodus; nink pälegi kella 11ne aigo ööse, konna muu ei kõnni külla päigun, kui ütsinda perris warga

Otsus: Massap Ann Nabbal Peter Lutzarile aja wiitmisse eest 5 rbl 14 päiwa sissen, ent wargus eest istup 3 ööd päiwa Perri kogg. kohto maja türmin sel sam(m)a teminil kinni.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                     Kohtowannemb, J Pihho

                     Kohtomees, Johann Keerd  XXX

                     Kohtomees, Karel Kooskora  XXX

                          Kirjotaja, J. Käis