Wanna Koiola koggokonna kohtun Wissen, sel 23tal webruaril 1876.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Jaan Kärik kaibap, et minnewa kewwaja olla Johann Haidak tem(m)a pole tulnu ja ütte ma tükki hendale nõudnu, nida kui muu perremehhe tõisile koddapoli-

kile andnu. Sepäle olla Jaan Kärik kostnu: Sedda lubbamist minna ei woi täüta." Siski lännu 3/4 aasta perrast Jaan Kärik maija jälle wastsest ja 50 rbl. tem(m)a lawwa päle tokõrd jätnu üttelden: Nüüd om ma minnul." - Perrast wõtnu Jaan Kärik se rahha ja winu wallawallitsus kätte, mes parhella tem(m)a käen olla.

Wallawallitsus and ülles: Et ütski ei woi om(m)a maja maad tõisele müwwa, kui jo Act kätte antu; ent enne sedda wõise kül se sündida enne kondrati kätte and-

mist. -

Johann Haidak käest saije ka küssitus: Kas sinno käen om ka üts lepping, et sinna maa tem(m)a käest ollet ostnu; ent and wastust: "Minna siin om(m)a leppin-

gut ei näita ja rahha taggasi ei wõtta, se ei olle minno rahha." - Jägo kohhe taht. Antku leppit ma, ehk masku sadda rbl tagganus kaupa, nida kui lepping näitap, mes om(m)a käega kinnitan.

Moistetu: Et üttegi tunnistus kirja ei olle ma mümisse ülle ja sedda ei woi Johann Haidak sugguge nõuda, kui perremehhel kondrat kätte kronu polest om antu, nink weel maad nõuda, mes sugguge wäggiwaldne ei ka woimalik assi nüüd ei woi olla ja Jaan Kärik ei olle ka käe rahha om(m)a maa eest tem(m)a käest wõtnu, enge tem(m)a om rahha kül tem(m)a lawwa päle jätnu. Wist selleperrast, et tem(m)a rahha pandmissega tahtse maad sada. -

Otsus: Jaan Kärik perri om(m)a maa, Acti perra eentullewal kewwajal, ent Johann Haidak wõttap om(m)a röa ja ka tõug sitta pantu maa päält, ent selle ma eest peap perremehhele päiwa teggema  Ent se 50 rbl. mes Johann Haidak om(m)ale ei perri, jääp selle walla waeste ladike hääs, mes wallawallitsus peap sis masma. -

Kohtokäüjile otsus ette loetu, suremba kohtokäümisse sädus § 772, 773 n 774 perra kulutedu. -

                       Kohtowannemb, J Pihho

                        Kohtomees, Johann Keerd  XXX

                        Kohtomees, Karel Kooskora  XXX

                            Kirjotaja, J. Käis

Protokoll om lubbatu ja oppus leht pakkutu, ent ei olle wõtnu. -

Johann protokoll wälja sanu, sel 24tal webr. s.a.

                                                                                 Kirjotaja, J. Käis