Wanna Koiola koggokonna kohtun Wissen, sel 23tal webruaril 1876

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Kotti otsa perremehhe om(m)a oma maa pruukimisse perrast ette tulnu ja nõudwa om(m)a minnewa aastatsit röa kõrsi sel aastal tõwwus tetta, kellega sis rahhu om(m)a, ent mitte neid kohhe nurme sitta ei olle pantu, Jaan Kottisse 1/2 wakka alla linna moo rügga olge ja Jaan Kirristaja 2/3 alla rügga olge, kohhe mitte enne röateggemist sitta ei olle pantu, jääp wastse krundi perremeeste kätte. Ent muido teggewa eggaüts om(m)a wanna krundi perra röa olle, olgu nur-

men ehk mõtsan sel aastal tõwwus. Nink päle röa kõrte ei pea ennämb kellelgi muu maaga teggemist ollema, olgu mes nim(m)e al om. -

                           Jaan Kottisse  XXX

                           Jakob Kottisse  XXX

            Wan(n)a Jaan Kottisse  XXX

               Noor    Jaan Kottisse  XXX

                           Michel Kirristaja  XXX

                  ja      Jaan Kattai  XXX         

 omma sellega rahhu; nink kinnitawa sedda om(m)a käega, ent Jaan Hermitz ei olle rahhu ja nõwwap wastast piiri kätte sada, kos rügga ole muil kigil sissen om(m)a. -

Moistetu: Maa ilma sittata pitta ei olle middagi, nink tõise perremehhe om(m)a oma sit wälja widdanu, nink wõtwa kats wilja ja nida woip ka Jaan Hernitz om(m)a sitta päält kats wilja wõtta; nink nisam(m)a ka muide rügga olgi päält; ni kui tõisegi perremehhe. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                     Kohtowannemb, J Pihho

                     Kohtomees, Johann Keerd  XXX

                     Kohtomees, Karel Kooskora  XXX

                             Kirjotaja, J. Käis

Jaan Hernitz protokoll wälja sanu sel 26 webr.