Hindrik Birkenthal kaibas Isak Landsoni päle et Isak temma palka 2 Rbl. 58 Kop. ärrä ei massa. Hindrik Birkenthal kaibas nidate: "Minna es lähha mitte Isak Landsoni mant pakku, ent Isak Landson ajas minno ärrä, nink Isak es kutsu minno kunnagi minno risti nimme ei ka wäärnimme perra, enge kutsus minno "Trijk wonn". Minna laskse kül ütskõrd kui minna äestasi hobbese söömaja ajal warra wallale, sis ridles perremees minnoga kõwwaste ja ajas minno ärrä."

Isak Landson andse kostust: "Hindrik Birkenthal olli minno manno aasta päle henda sullases leppinu, palkas saab 6 Rbl. rahha ja 2 Rbl. saapa rahha ja 1/6 wakka linnamaad; ent H. Birkenthal tulli sel 25. Märzil minno manno sullases ja paggesi minno mant enne Jaanipäiwa üts näddäl ärrä. Hindrik Birkenthal om minno käest linna-maa ja 80 Kop. palka sanu."

Otsus.

Et Hindrik Birkenthal Isak Landsoni mant enne aastat ärrä om lännu, sis ei olle ka Hindrik Birkenthalil üttegi palka Isak Landsoni käest ennamb nõuda.  

Päkohtomees Märt Lüüs XXX

Kohtomees Jaan Reiljan XXX

  "  Sahkri Pik XXX

  "  Ado Puusep XXX

  "  Karl Wallner XXX