Wanna  Koiola koggokonna kohtun Wissen, sel 23tal webruaril 1876.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Samo Kopli kaibap, et Johann Lutzar oma leppingo, mes sel 7tal julil 1875. Nr 96. protokollin oma ärra riknu ja ülle astnu, nink kiik soo puhtas raggonu, mes mitte leppingun sugguge lubbatu ei olle, nõwwap om(m)a kahjo eest 50 rbl; sis om rahhu.

Johann Lutzar wastutas:"Minna olle leppingo perra tennu ja oma mõts raggonu, ent mitte ülle leppingo astnu." -

Moistetu: Et Johann Lutzar om(m)ast leppingust ülle oma astnu ja Sarrapu mõtsa nim(m)e al kiik sure Kiwwi järwe soo puhtas raggonu, mes mitte lepping sug-

guge ei lubba, enge ütsinda põllu maa päält, kohhe ka siski wilja ei woi tetta. -

Otsus: Sis jäwa mõllembile wastse piri kindmas; nink kumbgi ei tohhi eddespiddi ei kirwes, ei ka adder tõise wastse krundi päle wija, kohhe leppingo perra enne  olli lubba om(m)alt poolt leppitu wastse ma põllu polest. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. 

                   Kohtowannemb J Pihho

                   Kohtomees, Johann Keerd  XXX

                   Kohtomees, Karel Kooskora  XXX

                            Kirjotaja, J. Käis

Samo Kopli ei olle sellega sugguge rahhu ja nõwwap om(m)a üllewel nim(m)itet leppingo kahjo tassomist; nink protokoll lubbatu. -

Samo Kopli protokoll wälja sanu, sel 27tal webruaril s.a.