Wanna Koiola koggokonna kohtun Wissen, sel 1sel märzil 1876

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Jaan Hurt kaibap ja nõwwap om(m)a palka, mes täl Peter Plak mann olli leppit 40 rbl. rahha, pärahha 4,75 kop. ja üts mõõt linna seemnit nurme maa päle mahha, Peter Oina käest; kohhe ka wöörmöndride tahtmisse ja selle palga lubbamissega tem(m)a perrast Johann Hurt maija om lännü ja Peter Plak mant wallale om tennü

Wöörmöndre Jakob Hurt üttel sedda tõtte ollew.

Jaan Hurt üttel henda kätte henda kätte maja rahha sawat 43 rbl. 50 kop. ; ent om(m)ast rahhast üttel wälja minnew 54 rbl. 35 kop; ent kohto poolt jäije 

45 rbl. 31 kop; sis peap Peter Oina tälle perra masma päle palga nõudmisse 1 rbl 81 kop; sellega om Peter Oina rahhu; ent Jaan Hurt mitte.

Peter Oina üttel palka täl kätte sawat 20 rbl. 47. kop. mes Jaan Hurt üttel ka õige ollew. -

Jaan Hurt and ülles, et tem(m)a and ka wöörmöndre kässu nink nisam(m)a ka Anz Hurt kässu päle, kui wanna perremehhe mant henda wallale teggi, ligus 3 rbl.

Moistetu: Et Jaan Hurt henda täwweliste perremehhe manno olli ärra lepnu, kon palga perrast peljata es olle; säält wõt An Hurt henda wöörmöndride lubbaga Jaan Hurta säält ärra ja lubasiwa tälle ka se leppit palka massa.

Otsus: Nida kui eenpool selletedu, massap Ann Hurt om(m)a mehhe Peter Oina - läbbi täämba 10 rbl. mes nahhapesja Uwarow käest lainanu maja päle panda; ent 14 rbl 34 kop. massap Peter Oina sel 23 aprilil s.a. wimate mõõto linna seemnide külwi eest nurme maa päle, mes mahha lubbatu ja kätte es saa; arwamisse perra 13 rbl. 4 leisikat linno eest. Ka sel sam(m)al terminil; ülle kige kokko 27 rbl. 34 kop. tälle kätte. -

Kohtokäüjile: Jaan Hurt, Ann Oina om(m)a mehhe Pere Oina, wöörmöndre: Jakob Hurt ja Michel Warressele ette kulutedu ja ette loetu § 772, 773 n. 774 surem-

ba kohto käümisse sädus perra. -

                       Kohtowannemb, J Pihho

                       Kohtomees, Johann Keerd  XXX

                       Kohtomees, Karel Kooskora  XXX

                              Kirjotaja, J. Käis