Sel 20. Märzil 1873.
Johann Treumuth kaibas: "Marri Kraw om minno ilma süüda löönu ütte saibatükkika 3 kõrda; kui minna Marri käest saiba ärrä wõtti, sis tulli Ann Kraw ja lei minnole puuka sälga nink wõtse minno rinnust kinni; wimate laskse Ann Kraw minno wallale, sis olli ka sel kakkelussel ots. Sõimamist olli ilma otsata."
Marri Kraw astus kohto ette nink andse selle Johann Treumuthi kaibusse päle nidate kostust: "Kolm meest tulliwa ülle aija sisse murro-platsi päle, ne olliwa: wallawannemb Johann Zimmer, Jaan Anzow ja Ado Puusep. Minna ütli Johann Zimmerile: "Jätta minno rahhule, meije olleme sija Pattuperra söödumaa päle tulnu," ja minna hoitse ussaija wärrajat kinni nink es lasse hobbestega sisse tulla; üttel hobbesel olliwa puu pääl nink tõise hobbese olliwa tühja saniga. Johann Zimmer käskse wärrajat kirwega mahha ragguda, eddimelt käskse temma Jaan Anzowi, ja perrast Ado Puusepa, ent ne kumbgi es tule wärrajat mahha ragguma. Sis kutse Joh. Zimmer Tawit Posti sinna, sel poisil olli kirwes käen ja tahtse wärrawid mahha raggoda, ent minna es lasse, nink wimate lei Tawit Post minnole kirwesilmaga minno käe päle, minno kässi olli sis weel paistedu, kui minna Keiserlikko Kihhelkonna Kohto een omma hädda kaibaman käwwe.
Johann Treumuth wissas minno mahha ja surwse maad wasta, nink sis tulli minno minnijas Ann Kraw minnole appi, sis laskse Joh. Treumuth minno wallale ja wõtse Ann Krawi kinni."
Ann Kraw astus kohto ette ja kaibas: "Kui minna näggi, et minno mehhe emma Marri Krawi Johann Treumuth kinni wõtse ja Marrile lei, sis tulli Tawit Post kirwega ja nakkas wärrawat mahha ragguma, minna lätsi omma mehhe emmale appi, sis laskse Johann Treumuth minno mehhe emma wallale ja wõtse minno rinnast kinni, lei üts kõrd minnole kõrwa päle ja pitsitas minno henge hengamisse kinni nink kaksas minno preesi hamme mant ärrä, kumb weel praekugi lumme sissen om.
Minna olle üts õnnetu innimenne, minno om ilm süüda pessetu ja pitsitedu, minno terwüs om nüüd kohhalt otsan, minno kuu aig (Monatliche Reinigung) om nüüd ilma kõrrata, mõnni päiv saisab ja nakkab jälle jooskma; minno ihhol ei olle ütteki terwüst, minna olle ennamb haige kui terwe."
Anne mees Jaan Kraw kaibas: "Minna ei wõi mitte sellega rahhule olla, et minno naine pessa om sanu, nida et temma terwüs om ärra rikkutu. Kui Johann Treumuth tahtse meije maija omma krami tuwwa, sis tulnu Johann Treumuth tol kõrral kui minna ja minno essa koddon ollesolnu, sis olles ka kik ilma tülli ja pahhandusseta mööda lännu. Kui (8) kattesa meest katte naisterahwa päle tulliwa nink neid pessewa, sis olles ommetegi kohtomees Ado Puusep ehk wallawannemb keeldma piddanu."
Kohtomees Ado Puusep andse nidate tunnistust: "Wallawannemb Johann Zimmer kutse minno hendaka ütten Pattuperra Tinno tallo Tohwre Johann Treumuthile tallo kätte andma ehk ruumi teggema. Kui meije Pattuperra tallo saime, sis saisiwa Marri ja Ann Kraw ussaija wärrete een ja olliwa nuija käen. Meije terretasime, ent meije terwüst es wõeta wasta, enge wandsewa mõllemba naise, Marri ja Ann, meile wasta; sis lätsime ülle aija sisse ja küssisime meije, kus perremees om, nink lätsime tarre kaema, kas perremees tarren om, ent es olle kumbki koddon, ei Jaan, ei ka Tinno Kraw."
Wallawannemb Johann Zimmer andse nidate tunnistust: "Minna kutse Ado Puusepa ja Jaan Anzowi ütten nink lätsime Pattuperra Tinno tallo ostja Johann Treumuthile selle tallo kottusse hoonid kätte näutama krami mahha panda. Kui meije Pattuperra tallo saime, sis saisiwa Marri ja Ann Kraw ussaija wärrete (pääl) een ja olliwa nuija käen. Meije terretasime, ent meije terwüst es wõeta wasta, enge wandsewa mõllemba naise, Marri ja Ann, meile wasta; sis lätsime ülle aija sisse ja küssisime meije, kus perremees om, nink lätsime tarre kaema kas perremees tarren om, ent es olle kumbki koddon, ei Jaan, ei ka Tinno Kraw."
Sel 18. Aprillil 1873.
Tunnistaja Peter Nahha, Karrola koggokonnast, astus kohto ette nink andse tunnistust: "Waltina kõrtsin kõnneldi, et kohtomehhe ja wallawannemb lähhawa Pattuperra Tinno tallo; minna lätsi ka Pattuperra tallo nink jäi tannawe otsa man saisma; säält näggi minna et üts naisterahwas olli mahha löödu, minno näggemisse perra olli Tohwre Johann Treumuth selle naise mahha lööja, nink näggi ka sedda, et Ann Krawi hamme rinna eest olli wallale kissutu; kes naise Anne hamme walla kiskus, sedda minna es näe. Minna näggi ka, kui Ann Kraw wallawannemb Johann Zimmerile kolm kõrda ütte puuga lei, nida et selle puu otsast tükki mahha saddasiwa. Wallawannemb Johann Zimmer, Johann Treumuth ja kohtomees Ado Puusep, ne wõttiwa naisterahwa käest ne puutükki ehk malka ärrä nink wiskasiwa kaugele, nink kui Johann Zimmer naise Anne käest puu ärrä olli wõtnu nink Anne käest kinni wõt, sis wiskas Johann Zimmer Anne koddo pole minnema. Minna näggi ka, et üttel poisil kirwes käen olli, mes se pois tolle kirwega teggi, sedda minna es näe. Tohwre Johann Treumuth sai naiste rahwa käest paljo hoope. Muud ei tija minna ennamb tunnistada.
Tunnistaja Peter Treumuth andse tunnistust: "Kui minna Pattuperra Tinno tallo lätsi, sis tulli Marri, Tinno naine, wärretest wälja minno manno, minna iste saani pääl, sis tahtse Marri minnole lüwwa, minna pallesi wasta nink ütli: "Ärra löö minnole, minna olle haige." Sellepäle lei Marri minno hobbesele 2 kõrda. Minna näggi ka kui Marri Kraw Tohwre Johann Treumuthile lei.
Muido ei tija minna middake ennamb tunnistada. "
Tunnistaja Johann Pola andse nidate tunnistust: "Peter Nahha, Karl Käkki ja minna, meije sõitsime Pattuperra Karl Käkki tallost minnema, nink möda Tinno tallo minnen kuuldsime kärrä Tinno tallon ollewat, nink näggi et Marri Kraw mahha saddas, sis löödi weel kats kõrd Marri. Kes se lööja olli, sedda ei woi minna tunnistada. Marri Kraw nakkas appi hõikama, nink selle appi tännitamisse päle tulli Jaan Krawi naine Ann appi. Sedda minna es näe, kas Jaani naist Anne keaki om löönu ehk mitte, ennegi Ann Kraw tännit suure hälega nink üttel: "Nüüd pea minna siin samman platsi pääl last ilmale tooma." nink ka weel paljo sõimamisse roppu sõnnu.
Selle-päle sõitse minna ja Peter Nahha Karrola kerku pole ärrä.
Minna ei tija ennamb middaki tunnistust anda."
Tunnistaja Jaan Akkermann andse tunnistust: "Minno kutse wallawannemb Johann Zimmer ütten Tinno Krawi tallo, sääl näggi minna kui Marri Kraw ussaija wärrawast wälja tulli nink tahtse Peter Treumuthile lüwwa, ent Peter Treumuth palles nink ütles: "Ärra löö minnole, minna olle haige;" sis lei Marri Kraw Peter Treumuthi hobbest 3 kõrd ütte puutükkiga, nink päle selle lei Marri ka weel Johann Treumuthile üts kõrd; Johann Treumuth wõtse Marri käest saiba ärrä, sis nakkasiwa riidlema ja sõimama. Selle päle olli ka sel tüllil ots.
Muud ei tija minna middake ennamb tunnistada."
Tunnistaja Wärdi Treumuth andse nida sammute tunnistust kui Jaan Akkermann om andnu.
Otsus.
Neide tunnistajade wäljaütlemisse perra om Marri Kraw selle tülli allustaja olnu, om se kohhus mõistnu: Marri Kraw peab 2 Rubla nink Johann Treumuth 1 Rbl. waeste ladiku hääs trahwi masma.
Neile kohton käujatele omma ka ne L. T. S. § 772. 773 aastast 1860 ette loetu, mes tähhele tullep panda kui surembat kohhut tahhab pallelda omma kohto-asju ülle kullelda.
Marri ja Jaan Kraw omma siin kohto een omma tahtmist teeda andnu, et nemma tahhawa surembat kohhut käwwa, nink neidele om ka se sädusse perra Appellation-täht sel 20mal Aprillil c. wäljä antu.
Päkohtomees Märt Lüüs XXX
Kohtomees Jaan Reiljan XXX
" Sahkri Pik XXX
" Ado Puusep XXX
" Karl Wallner XXX
am 12. Mai c. die Copia Einem Kaisrl. VIIten Kirchspielsgerichte übersandt.
Sel 20. Märzil 1873.
Johann Treumuth kaibas: "Marri Kraw om minno ilma süüda löönu ütte saibatükkika 3 kõrda; kui minna Marri käest saiba ärrä wõtti, sis tulli Ann Kraw ja lei minnole puuka sälga nink wõtse minno rinnust kinni; wimate laskse Ann Kraw minno wallale, sis olli ka sel kakkelussel ots. Sõimamist olli ilma otsata."
Marri Kraw astus kohto ette nink andse selle Johann Treumuthi kaibusse päle nidate kostust: "Kolm meest tulliwa ülle aija sisse murro-platsi päle, ne olliwa: wallawannemb Johann Zimmer, Jaan Anzow ja Ado Puusep. Minna ütli Johann Zimmerile: "Jätta minno rahhule, meije olleme sija Pattuperra söödumaa päle tulnu," ja minna hoitse ussaija wärrajat kinni nink es lasse hobbestega sisse tulla; üttel hobbesel olliwa puu pääl nink tõise hobbese olliwa tühja saniga. Johann Zimmer käskse wärrajat kirwega mahha ragguda, eddimelt käskse temma Jaan Anzowi, ja perrast Ado Puusepa, ent ne kumbgi es tule wärrajat mahha ragguma. Sis kutse Joh. Zimmer Tawit Posti sinna, sel poisil olli kirwes käen ja tahtse wärrawid mahha raggoda, ent minna es lasse, nink wimate lei Tawit Post minnole kirwesilmaga minno käe päle, minno kässi olli sis weel paistedu, kui minna Keiserlikko Kihhelkonna Kohto een omma hädda kaibaman käwwe.
Johann Treumuth wissas minno mahha ja surwse maad wasta, nink sis tulli minno minnijas Ann Kraw minnole appi, sis laskse Joh. Treumuth minno wallale ja wõtse Ann Krawi kinni."
Ann Kraw astus kohto ette ja kaibas: "Kui minna näggi, et minno mehhe emma Marri Krawi Johann Treumuth kinni wõtse ja Marrile lei, sis tulli Tawit Post kirwega ja nakkas wärrawat mahha ragguma, minna lätsi omma mehhe emmale appi, sis laskse Johann Treumuth minno mehhe emma wallale ja wõtse minno rinnast kinni, lei üts kõrd minnole kõrwa päle ja pitsitas minno henge hengamisse kinni nink kaksas minno preesi hamme mant ärrä, kumb weel praekugi lumme sissen om.
Minna olle üts õnnetu innimenne, minno om ilm süüda pessetu ja pitsitedu, minno terwüs om nüüd kohhalt otsan, minno kuu aig (Monatliche Reinigung) om nüüd ilma kõrrata, mõnni päiv saisab ja nakkab jälle jooskma; minno ihhol ei olle ütteki terwüst, minna olle ennamb haige kui terwe."
Anne mees Jaan Kraw kaibas: "Minna ei wõi mitte sellega rahhule olla, et minno naine pessa om sanu, nida et temma terwüs om ärra rikkutu. Kui Johann Treumuth tahtse meije maija omma krami tuwwa, sis tulnu Johann Treumuth tol kõrral kui minna ja minno essa koddon ollesolnu, sis olles ka kik ilma tülli ja pahhandusseta mööda lännu. Kui (8) kattesa meest katte naisterahwa päle tulliwa nink neid pessewa, sis olles ommetegi kohtomees Ado Puusep ehk wallawannemb keeldma piddanu."
Kohtomees Ado Puusep andse nidate tunnistust: "Wallawannemb Johann Zimmer kutse minno hendaka ütten Pattuperra Tinno tallo Tohwre Johann Treumuthile tallo kätte andma ehk ruumi teggema. Kui meije Pattuperra tallo saime, sis saisiwa Marri ja Ann Kraw ussaija wärrete een ja olliwa nuija käen. Meije terretasime, ent meije terwüst es wõeta wasta, enge wandsewa mõllemba naise, Marri ja Ann, meile wasta; sis lätsime ülle aija sisse ja küssisime meije, kus perremees om, nink lätsime tarre kaema, kas perremees tarren om, ent es olle kumbki koddon, ei Jaan, ei ka Tinno Kraw."
Wallawannemb Johann Zimmer andse nidate tunnistust: "Minna kutse Ado Puusepa ja Jaan Anzowi ütten nink lätsime Pattuperra Tinno tallo ostja Johann Treumuthile selle tallo kottusse hoonid kätte näutama krami mahha panda. Kui meije Pattuperra tallo saime, sis saisiwa Marri ja Ann Kraw ussaija wärrete (pääl) een ja olliwa nuija käen. Meije terretasime, ent meije terwüst es wõeta wasta, enge wandsewa mõllemba naise, Marri ja Ann, meile wasta; sis lätsime ülle aija sisse ja küssisime meije, kus perremees om, nink lätsime tarre kaema kas perremees tarren om, ent es olle kumbki koddon, ei Jaan, ei ka Tinno Kraw."
Sel 18. Aprillil 1873.
Tunnistaja Peter Nahha, Karrola koggokonnast, astus kohto ette nink andse tunnistust: "Waltina kõrtsin kõnneldi, et kohtomehhe ja wallawannemb lähhawa Pattuperra Tinno tallo; minna lätsi ka Pattuperra tallo nink jäi tannawe otsa man saisma; säält näggi minna et üts naisterahwas olli mahha löödu, minno näggemisse perra olli Tohwre Johann Treumuth selle naise mahha lööja, nink näggi ka sedda, et Ann Krawi hamme rinna eest olli wallale kissutu; kes naise Anne hamme walla kiskus, sedda minna es näe. Minna näggi ka, kui Ann Kraw wallawannemb Johann Zimmerile kolm kõrda ütte puuga lei, nida et selle puu otsast tükki mahha saddasiwa. Wallawannemb Johann Zimmer, Johann Treumuth ja kohtomees Ado Puusep, ne wõttiwa naisterahwa käest ne puutükki ehk malka ärrä nink wiskasiwa kaugele, nink kui Johann Zimmer naise Anne käest puu ärrä olli wõtnu nink Anne käest kinni wõt, sis wiskas Johann Zimmer Anne koddo pole minnema. Minna näggi ka, et üttel poisil kirwes käen olli, mes se pois tolle kirwega teggi, sedda minna es näe. Tohwre Johann Treumuth sai naiste rahwa käest paljo hoope. Muud ei tija minna ennamb tunnistada.
Tunnistaja Peter Treumuth andse tunnistust: "Kui minna Pattuperra Tinno tallo lätsi, sis tulli Marri, Tinno naine, wärretest wälja minno manno, minna iste saani pääl, sis tahtse Marri minnole lüwwa, minna pallesi wasta nink ütli: "Ärra löö minnole, minna olle haige." Sellepäle lei Marri minno hobbesele 2 kõrda. Minna näggi ka kui Marri Kraw Tohwre Johann Treumuthile lei.
Muido ei tija minna middake ennamb tunnistada. "
Tunnistaja Johann Pola andse nidate tunnistust: "Peter Nahha, Karl Käkki ja minna, meije sõitsime Pattuperra Karl Käkki tallost minnema, nink möda Tinno tallo minnen kuuldsime kärrä Tinno tallon ollewat, nink näggi et Marri Kraw mahha saddas, sis löödi weel kats kõrd Marri. Kes se lööja olli, sedda ei woi minna tunnistada. Marri Kraw nakkas appi hõikama, nink selle appi tännitamisse päle tulli Jaan Krawi naine Ann appi. Sedda minna es näe, kas Jaani naist Anne keaki om löönu ehk mitte, ennegi Ann Kraw tännit suure hälega nink üttel: "Nüüd pea minna siin samman platsi pääl last ilmale tooma." nink ka weel paljo sõimamisse roppu sõnnu.
Selle-päle sõitse minna ja Peter Nahha Karrola kerku pole ärrä.
Minna ei tija ennamb middaki tunnistust anda."
Tunnistaja Jaan Akkermann andse tunnistust: "Minno kutse wallawannemb Johann Zimmer ütten Tinno Krawi tallo, sääl näggi minna kui Marri Kraw ussaija wärrawast wälja tulli nink tahtse Peter Treumuthile lüwwa, ent Peter Treumuth palles nink ütles: "Ärra löö minnole, minna olle haige;" sis lei Marri Kraw Peter Treumuthi hobbest 3 kõrd ütte puutükkiga, nink päle selle lei Marri ka weel Johann Treumuthile üts kõrd; Johann Treumuth wõtse Marri käest saiba ärrä, sis nakkasiwa riidlema ja sõimama. Selle päle olli ka sel tüllil ots.
Muud ei tija minna middake ennamb tunnistada."
Tunnistaja Wärdi Treumuth andse nida sammute tunnistust kui Jaan Akkermann om andnu.
Otsus.
Neide tunnistajade wäljaütlemisse perra om Marri Kraw selle tülli allustaja olnu, om se kohhus mõistnu: Marri Kraw peab 2 Rubla nink Johann Treumuth 1 Rbl. waeste ladiku hääs trahwi masma.
Neile kohton käujatele omma ka ne L. T. S. § 772. 773 aastast 1860 ette loetu, mes tähhele tullep panda kui surembat kohhut tahhab pallelda omma kohto-asju ülle kullelda.
Marri ja Jaan Kraw omma siin kohto een omma tahtmist teeda andnu, et nemma tahhawa surembat kohhut käwwa, nink neidele om ka se sädusse perra Appellation-täht sel 20mal Aprillil c. wäljä antu.
Päkohtomees Märt Lüüs XXX
Kohtomees Jaan Reiljan XXX
" Sahkri Pik XXX
" Ado Puusep XXX
" Karl Wallner XXX
am 12. Mai c. die Copia Einem Kaisrl. VIIten Kirchspielsgerichte übersandt.
