Wanna Koiola koggokonna kohtun Wissen, sel 1sel märzil 1876

Man olliwa kohtowannemb, Jaan Pihho

                    kohtomees, Peep Tobre

                    kohtomees, Karel Kooskora

/: Saije ette woetus, mes sel 23tal webruaril s.a. Nr 39 polele jäije:/ -

Et tunnistuste läbbi selges saanu, et Peter Hindrekson 6 koormat kluppi kraami koddo winu, sis nõudwa kiik külla perremehhe egga koorma eest 10 rbl. ja Peter Hindrekson ja Jaan Juks peawa weel päle se ilma palgata ne leppitu hone ülles teggema; sis om(m)a rahhu.

Kohto arwaminne ja moistmi(n)ne om se: Et kui meistre Peter Hindrekson ja Jaan Juks külla kokko ostetut kraami ehhitamisse päle essi nakkasiwa hendale tar-

witama; sest kui nida wisi üts meistre teep, sis ei jõwwa külla ni paljo kraami osta ja manno witta, kui mant ärra weetas warguse wiisil. -

Otsus:  1, Peter Hindrekson ja Jaan Juks teggema om(m)a leppingo perra ne hone ülles ja kraami kui pudup, peap külla manno murretama ni paljo, kui tarwis: Nink kui hone walmis, sawa om(m)a leppit töö palk külla käeat kätte, 

2, Ent se eest, et kraami mant ärra widdima warguse wisil, massap Peter Hindrekson 10 rbl. ja Jaan Juks 10 rbl. küllale ja kraami kahjus, ent selle walla waeste ladike sisse massap kumbgi selle koerastükki eest; 2 rbl. 14 päiwa sissen. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                           Kohtowannemb, J Pihho

                           Kohtomees, Peep Tobre  XXX

                           Kohtomees, Karel Kooskora  XXX

                                 Kirjotaja, J. Käis

Kaibajad: Himmaste kui ka Eoste külla perremehhe; nink kaiwatawa: Peter Hindrekson ja Jaan Juks ei olle keaki rahhu ja protokoll lubbatu. -

Peter Hindrekson protokoll wälja sanu sel 5tal märzil s.a.      Kirjotaja, J. Käis