Ärrä koolu Hango Ado Zimmeri warrandusse ülleswõtminne sel 23. Decbr. 1871 nink se warrandus om ärrä müüdu nida kui siin allan om ülles kirjutedu:

Om Ado Zimmeri warrandussest 27 Rbl. 04 Kop. sisse tulnu. Sellest sissetulnu rahhast om ärrä massa Ado Zimmeri wõlglastele:

Om Ado Zimmeri wõlglastele ärrä mastu 27 Rbl. 04 Kop.

Ado Zimmeri perra jänu warrandusse jaggaminne perrandajatele:

1 poolwanna meeste särk, saap poja Isak Zimmerile 

1  "  " kambson,   "  "  "

1  "  " naiste rahwa särk,  "  "  "

2 meeste hammet, saap Ado Zimmeri läsja Sohwile

1 naiste hamme,   "  "  "  "

2 pari sukke, saap Ado Zimmeri läsja Sohwile.

1 meeste rahwa poolwanna kassuk, selle eest om Ado Zimmeri läsja Sohwil 3 Rbl. 29 Kop. rahha siin sisse ärrä mastu, nida kui üllewan 1 kassuka eest 3 Rbl. 29 Kop. om ülles kirjutedu. 

Nida kui siin walla pruuk om, sullaste ehk popsile om maad palkas anda kolme wilja alla prukida, se õigus jääp ka selle kaddunu Ado Zimmeri läsja Sohwile; ent tullep Ado Zimmeri matmisse kullu päle mahha arwata mes Isak Zimmer om kullutanu 10 Rubla arwata, selle eest saap Isak Zimmer ütte pole sellest Ado Zimmerile sullase palkas antu maast matmisse kullu tassumisses, nink se tõine pool Ado Zimmeri sullase palka maast jääp temma läsja Sohwile.

Ado Zimmeri läsk Sohwi lähhap tõist kõrda abbiello sisse sel 2. Webruaril 1872. Hango Isak Zimmer lubbap kik haina, aggane ja õlle Sohwil ärrä wija Ragguli tallo, mes läsja Sohwil kündle päiwal weel temma omma ellaja toidust om üllejänu, ent selle eest jaap ka kik sitt mes küündle päiwani lauta om koggonu Hango Isak Zimmerile. 

Selle warrandusse ärrä jaggamisse ja ka selletusseka om Isak Zimmer kui ka Ado Zimmeri läsk Sohwi rahhule jänu, nink neidel ei olle kummalgi ennamb tõine tõise käest middaki nõudmist. 

Päkohtomees Märt Lüüs XXX

Kohtomees Jaan Reiljan XXX

  "  Sahkri Pik XXX

  "  Ado Puusep XXX

  "  Karl Wallner XXX